मुंबई : शिवसेना नेते संजय राऊत यांच्याविरुद्ध शिवडी न्यायालयाने जामीनपात्र अटक वॉरंट जारी केलं आहे. मेधा किरीट सोमय्या यांनी दाखल केलेल्या तक्रारीप्रकरणी मुंबई महानगर दंडाधिकारी यांनी संजय राऊत यांच्याविरुद्ध भादंवि कलम 499, 500 साठी वॉरंट जारी केले.

भाजप नेते किरीट सोमय्या यांच्या पत्नी मेधा सोमय्या यांनी संजय राऊत यांच्याविरोधात न्यायालयात मानहानीची तक्रार दाखल केली होती. संजय राऊत यांनी त्यांच्यावर 100 कोटींच्या शौचालय घोटाळ्यात गुंतल्याचा आरोप केला आहे. शिवडी मेट्रोपॉलिटन मॅजिस्ट्रेट कोर्टात दाखल केलेल्या तक्रारीत मेधा यांनी संजय राऊत यांनी गेल्या महिन्यात केलेले आरोप निराधार आणि बदनामीकारक असल्याचे म्हटले होते.

The post संजय राऊत यांच्याविरुद्ध शिवडी न्यायालयाकडून अटक वॉरंट जारी appeared first on थोडक्यात घडामोडी.