लातूर : लातूर-सोलापूर महामार्गावरील अपघातांची मालिका काही थांबण्याचे नाव घेत नाही. अवघ्या चार दिवसांपूर्वी माजी आमदार आर. टी. देशमुख यांच्या वाहनाचा अपघात याच मार्गावर झाला होता. आज पहाटे पुन्हा एकदा या मार्गावर भीषण अपघात झाला असून, दोन ट्रॅव्हल्समध्ये पाठीमागून झालेल्या धडकेत दोन जणांचा मृत्यू झाला, तर १५ ते २० जण गंभीर जखमी झाले आहेत.

हा अपघात तुळजापूर-लातूर राष्ट्रीय महामार्गावरील आशीव पाटी येथे पहाटेच्या सुमारास झाला. पुण्याहून लातूरकडे येणाऱ्या एका ट्रॅव्हल्सने समोर असलेल्या दुसऱ्या ट्रॅव्हल्सला पाठीमागून जोरदार धडक दिल्याने ही दुर्घटना घडली. धडकेमुळे वाहनांचे मोठ्या प्रमाणावर नुकसान झाले असून प्रवाशांमध्ये एकच गोंधळ उडाला. या अपघातात एक बस उलटली असून दुसऱ्या बसच्या पुढच्या भागाचा चक्काचूर झाला आहे.

घटनेची माहिती मिळताच पोलीस आणि आपत्कालीन पथक तात्काळ घटनास्थळी दाखल झाले. आतापर्यंत ५ रुग्णवाहिकांच्या मदतीने जखमींना लातूरच्या शासकीय रुग्णालयात हलवण्यात आले आहे. वैद्यकीय अधिकाऱ्यांनी दिलेल्या माहितीनुसार, काही जखमींची प्रकृती चिंताजनक आहे.

पोलीस अधिक तपास करत असून, चालकाच्या निष्काळजीपणामुळे अपघात घडल्याचा प्राथमिक अंदाज आहे. लातूर-सोलापूर महामार्गावरील अपघातांची वाढती संख्या पाहता नागरिकांनी तीव्र नाराजी व्यक्त केली आहे आणि रस्ते सुरक्षा उपाय योजनांची मागणी पुन्हा एकदा ऐरणीवर आली आहे.

The post भीषण अपघात! लातूर-सोलापूर महामार्गावर दोन ट्रॅव्हल्सची समोरासमोर धडक, 2 ठार, 20 जखमी appeared first on थोडक्यात घडामोडी.

मुंबई : लहान मुलांना रुग्णालयात दाखल करताना मुंबई उपनगर परिसरात तत्काळ रुग्णवाहिका मिळावी यासाठी गुजरात शासनाच्या धर्तीवर ‘खिलखिलाट’ रुग्णवाहिका सुरू करणार असल्याची माहिती महिला व बाल विकास मंत्री तथा मुंबई उपनगर जिल्ह्याचे पालकमंत्री मंगलप्रभात लोढा यांनी दिली.

घाटकोपर येथील एन वॉर्ड येथे पार पडलेल्या ‘पालकमंत्री आपल्या भेटीला’ या उपक्रमात अर्जदार पूनम नायर यांनी लहान मुलांना रुग्णालयात दाखल करताना रुग्णवाहिका मिळत नसल्याने तत्काळ उपचार मिळत नाहीत, अशी तक्रार केली होती त्यावर उत्तर देताना मुंबई उपनगरचे पालकमंत्री लोढा बोलत होते. यावेळी खासदार मनोज कोटक, आमदार पराग शहा, ‘एन वॉर्ड’ चे सहायक आयुक्त संजय सोनवणे, अपर जिल्हाधिकारी नीलिमा धायगुडे, निवासी उपजिल्हाधिकारी विकास नाईक, उपायुक्त देविदास क्षीरसागर, यासह सर्व विभागाचे अधिकारी, नागरिक मोठ्या संख्येने उपस्थित होते.

मंत्री लोढा म्हणाले, गुजरात शासनाने लहान मुलांसाठी ‘खिलखिलाट’ ही रुग्णवाहिका योजना सुरू केली आहे. याच धर्तीवर मुंबई उपनगर परिसर येथे ‘खिलखिलाट’ रुग्णवाहिका सुरू करणार आहे. जिल्ह्यातील समस्या जाणून घेऊन त्यावर कार्यवाही करण्यात येइल. ज्या नागरिकांचे अर्ज प्राप्त आहेत त्यांच्या टोकन क्रमांकानुसार अर्ज निकाली काढू असे नागरिकांना त्यांनी सांगितले. नागरिकांच्या विविध तक्रारी ऐकून त्यावर जलदगतीने कार्यवाही करण्याच्या सूचना मंत्री लोढा यांनी अधिकाऱ्यांना दिल्या. पालकमंत्री यांनी सर्व नागरिकांच्या समस्या ऐकून घेतल्या व उपस्थित अधिकाऱ्यांना यावर तत्काळ कार्यवाही करण्याच्या सूचना दिल्या.

‘आर साऊथ वॉर्ड’ येथे उद्या ‘पालकमंत्री आपल्या भेटीला‘
6 ऑक्टोबर ते 4 नोव्हेंबर पर्यंत ‘पालकमंत्री आपल्या भेटीला’ हा उपक्रम राबवण्यात येणार आहे. तरी मुंबई उपनगर जिल्ह्यातील जास्तीत जास्त नागरिकांनी, आपल्या तक्रारीच्या अर्जासह ‘पालकमंत्री आपल्या भेटीला’ या उपक्रमामध्ये सहभागी व्हावे, असे आवाहन मुंबई उपनगरचे पालकमंत्री मंगलप्रभात लोढा यांनी केले आहे.

शुक्रवार दि.07/10/2022 रोजी आर साऊथ वॉर्ड येथे, शनिवार 08/10/2022 रोजी के ईस्ट वॉर्ड, सोमवार दि.10/10/2022 रोजी आर सेंट्रल वॉर्ड, बुधवार दि. 12/10/2022 रोजी एल वॉर्ड, गुरुवार दि. 13/10/2022 रोजी एस वॉर्ड, शुक्रवार दि.14/10/2022 रोजी एम ईस्ट वॉर्ड, शनिवार दि.15/10/2022 एच वेस्ट वॉर्ड, सोमवार दि.17/10/2022 रोजी आर नॉर्थ वॉर्ड, बुधवार,दि 19/10/2022 रोजी पी नॉर्थ वॉर्ड, गुरुवार दि 20/10/2022 रोजी पी साऊथ वॉर्ड, सोमवार येथे 31/10/2022 रोजी एम वेस्ट वॉर्ड, बुधवार दि.02/11/2022 रोजी के वेस्ट वॉर्ड, गुरुवार दि. 03/11/2022 रोजी एच ईस्ट वॉर्ड तर शुक्रवार, दि.4/11/2022 रोजी टी वॉर्ड येथे नागरिकांच्या तक्रारी ऐकून घेतल्या जातील. नियोजित रोजी सकाळी 10 वाजता मुंबई उपनगर जिल्ह्यात हा उपक्रम सुरु होईल.

जिल्हाधिकारी: https://mumbaisuburban.gov.in बृहन्मुंबई महानगरपालिका : https://portal.mcgm.gov.in/ वरील लिंक वरही ऑनलाइन तक्रार नागरिकांना करता येतील.

The post मुंबई उपनगर परिसरात लहान मुलांसाठी ‘खिलखिलाट’ रुग्णवाहिका उपलब्ध करून देणार appeared first on थोडक्यात घडामोडी.

उत्तर प्रदेश : उत्तर प्रदेशमधील वाराणसीमधून एक अतिशय लज्जास्पद घटना समोर आली आहे. निर्जन भागात उभी असलेली एक रुग्णवाहिका बघून काही जणांना शंका आली, त्यामुळे त्यांनी पोलिसांना याबद्दल माहिती दिली. पोलिसांनी येऊन रुग्णवाहिका तपासली तर त्यांना तिच्यात तीन तरुण आणि एक तरुणी आक्षेपार्ह स्थितीत आढळले. पोलिसांनी या सर्वांना अटक केली आहे. ही घटना वाराणसीत असलेल्या सुजाबाद पोलिस चौकी जवळ घडली आहे.

मिळालेल्या माहितीनुसार, सुजाबाद पोलिस चौकी जवळ असलेल्या निर्जन भागात काही जणांना एक उभी असलेली रुग्णवाहिका हलताना दिसली. बराच वेळ देखील ही रुग्णवाहिका तेथून गेली नाही, तसेच ती हलत देखील होती. त्यामुळे लोकांना हे संशयास्पद वाटलं. त्यांनी तात्काळ पोलिसांना याबाबत माहिती दिली.

पोलिसांनी तात्काळ येऊन रुग्णवाहिका तपासली तर त्यांना धक्काच बसला. या रुग्णवाहिकेत तीन तरुण आणि एक तरुणी आक्षेपार्ह स्थितीत आढळले. पोलिसांनी त्या सर्वांना ताब्यात घेतले आणि रुग्णवाहिका जप्त केली. या चौघांविरूद्ध सार्वजनिक ठिकाणी अश्लील कृत्य केल्याच्या आरोपाखाली गुन्हा दाखल करून त्यांना तुरुंगात पाठविण्यात आले आहे.

ही रुग्णवाहिका मंडुआडीह भागातील गंगा सेवा सदन नावाच्या एका खासगी रुग्णालयाची असून रुग्णालयाने ती एका तरूणाला भाड्याने दिली होती. कोरोनाच्या या कठीण काळात एकीकडे अनेक ठिकाणी रुग्णवाहिकांची कमतरता भासत असताना अशा घटना समोर येणं हे खरं तर लाजिरवाणं आहे, असंच म्हणावं लागेल.

यवतमाळ हादरले! एकतर्फी प्रेमातून तरुणीची निर्घृण हत्या

धक्कादायक : समुद्रकिनारी बॉयफ्रेंडसोबत फिरायला गेली आणि अनर्थ घडला..

The post पोलिसांनी हलत असलेली रुग्णवाहिका तपासली तर त्यांना धक्काच बसला… appeared first on थोडक्यात घडामोडी.