भारताचे राष्ट्रपती रामनाथ कोविंद यांच्यावर दिल्लीतील एम्स हॉस्पिटलमध्ये बायपास शस्त्रक्रिया यशस्वीपणे झाली. रामनाथ कोविंद यांना मागील आठवड्यात छातीत दुखू लागल्यामुळे रुग्णालयात दाखल करण्यात आलं होतं. आज त्यांची बायपास शस्त्रक्रिया झाली.

संरक्षण मंत्री राजनाथ सिंग यांनी ट्विट करत याबद्दल माहिती दिली आहे. ते म्हणाले कि, “भारताचे राष्ट्रपती श्री रामनाथ कोविंद यांची एम्स, दिल्ली येथे यशस्वी बायपास शस्त्रक्रिया झाली. यशस्वी ऑपरेशनसाठी मी डॉक्टरांच्या टीमचे अभिनंदन करतो. राष्ट्रपतीजींच्या आरोग्याबद्दल चौकशी करण्यासाठी एम्स संचालकांशी बोललो. त्यांच्या चांगल्या स्वास्थ्यासाठी आणि ते लवकरात लवकर बरे व्हावे यासाठी मी प्रार्थना करतो.”

The President of India, Shri Ramnath Kovind has undergone a successful bypass surgery at AIIMS, Delhi.

I congratulate the team of Doctors for successful operation. Spoke to Director AIIMS to enquire about Rashtrapatiji’s health. Praying for his well-being and speedy recovery.

— Rajnath Singh (@rajnathsingh) March 30, 2021

The post ब्रेकिंग : राष्ट्रपती रामनाथ कोविंद यांच्यावर झाली बायपास शस्त्रक्रिया appeared first on थोडक्यात घडामोडी.

अहमदाबाद : मोटेरा स्टेडियमचे नाव नरेंद्र मोदी स्टेडियम असे ठेवण्यात आले आहे. हे जगातील सर्वात मोठे क्रिकेट मैदान आहे. भारत आणि इंग्लंड यांच्यात चार सामन्यांच्या कसोटी सामन्यांच्या मालिकेतील तिसरा कसोटी सामना आज अहमदाबादच्या या स्टेडियमवर खेळला जाईल. तत्पूर्वी आज राष्ट्रपती रामनाथ कोविंद यांनी गुजरातच्या अहमदाबाद येथील नरेंद्र मोदी स्टेडियमचे उद्घाटन केले. उयावेळी केंद्रीय गृहमंत्री अमित शहा देखील उपस्थित होते.

मोटेरा स्टेडियमची वैशिष्ट्ये :

1. मोटेरा हे जगातील सर्वात मोठे क्रिकेट स्टेडियम आहे, ज्यात 1 लाख 10 हजार प्रेक्षक बसण्याची क्षमता आहे.
2. हे स्टेडियम 63 एकरांवर बांधले गेले आहे. स्टेडियममध्ये चार ड्रेसिंग रूम आणि तीन सराव मैदान आहेत.
3. त्यात अंतर्गत आणि मैदानी सराव दोन्ही सुविधा आहेत.
4. इथली ड्रेनेज सिस्टम इतकी आधुनिक आहे की पाऊस थांबल्यानंतर अवघ्या अर्ध्या तासाने सामना सुरू होऊ शकतो.
5. हे देशातील पहिले स्टेडियम आहे जेथे विशेष LED लाईट देखील लावण्यात आले आहेत.

The post ब्रेकिंग : मोटेरा स्टेडियमचे नाव झाले ‘नरेंद्र मोदी स्टेडियम’, जाणून घ्या या स्टेडियमची खास वैशिष्ट्ये appeared first on थोडक्यात घडामोडी.

नवी दिल्ली : आजपासून संसदेचं अर्थसंकल्पीय अधिवेशन सुरु होत आहे. राष्ट्रपती रामनाथ कोविंद यांच्या अभिभाषणाने संसदेच्या अर्थसंकल्पीय अधिवेशनाला सुरुवात झाली. अर्थसंकल्पीय अधिवेशन दोन सत्रांमध्ये चालणार आहे. पहिलं सत्र 15 फेब्रुवारीपर्यंत तर दुसरं सत्र 8 मार्च ते 8 एप्रिलपर्यंत चालणार आहे. राष्ट्रपती म्हणाले की, “कोरोना महामारीच्या काळात होणारं हे अधिवेशन अत्यंत महत्त्वाचं आहे. नवीन वर्ष आणि नवं दशक आहे.”

राष्ट्रपती रामनाथ कोविंद यांच्या अभिभाषणासोबत आज बजेट सत्राची सुरुवात झाली. अभिभाषणाची सुरुवात करताना राष्ट्रपती म्हणाले की, “कोरोना, देशाच्या सीमा भागांतील तणाव यांसारख्या संकटांनंतरही देश एकजुटीने उभा आहे.” पुढे बोलताना ते म्हणाले की, “आव्हान कितीही मोठं असलं तरीही आम्ही थांबणार नाही आणि भारतही थांबणार नाही.”

राष्ट्रपतींनी शेतकरी आंदोलन आणि 26 जानेवारी रोजी शेतकऱ्यांच्या ट्रॅक्टर रॅलीदरम्यान झालेल्या हिंसाचारावरही भाष्य केलं. ते म्हणाले की, “सरकारने शेतकऱ्यांच्या कल्याणासाठी प्रयत्न केले आहेत. पंतप्रधान किसान योजनेचा देशातील लहान शेतकऱ्यांना मोठ्या प्रमाणात झाला आहे. संसदेने कृषी विधेयकं मंजूर केली असून यामुळे शेतकऱ्यांना फायदा होणार आहे. तसेच 26 जानेवारी रोजी झालेला तिरंग्याचा अपमान ही अत्यंत दुर्दैवी घटना आहे.”

केंद्र सरकारच्या नव्या कृषी कायद्यांचा 10 कोटी छोट्या शेतकऱ्यांना लाभ झाल्याचं राष्ट्रपती रामनाथ कोविंद यांनी यावेळी बोलताना सांगितलं. “केंद्र सरकार सर्वोच्च न्यायालयाच्या निर्णयाचं स्वागत करेल. पूर्वीच्या कायद्यातील कोणत्याही सुविधा रद्द करण्यात आलेल्या नाहीत. कृषी कायद्यांविषयी गैरसमज पसरवण्यात आले आहेत. ते दूर करण्यासाठी प्रयत्न केले जातील. तसेच सरकारने कृषीमालांना दीडपट हमी भाव दिला असून सरकारी खरेदी केंद्रही वाढवली असल्याचं राष्ट्रपतींनी यावेळी सांगितलं.

The post कृषी कायदे शेतकऱ्यांच्या फायद्याचे, त्यांच्याविषयी गैरसमज पसरवण्यात आले – राष्ट्रपती appeared first on थोडक्यात घडामोडी.

केंद्रीय कृषी कायद्यांच्या विरोधात देशात शेतकऱ्यांचे आंदोलन आता अधिक उग्र स्वरुप धारण करत आहे. या दरम्यान पंजाबचे माजी मुख्यमंत्री प्रकाशसिंह बादल यांनी या कायद्यांच्या निषेधार्थ आपला ‘पद्मविभूषण’ सन्मान परत केला आहे. बादल यांनी राष्ट्रपती रामनाथ कोविंद यांना तीनपानी पत्र लिहून केंद्रीय कृषी कायद्यांचा निषेध केला आणि शेतकऱ्यांवर करण्यात येत असलेल्या कारवाईबाबत नाराजी व्यक्त करत पद्मविभूषण परत केला.

आपला पद्मविभूषण सन्मान परत करताना पंजाबचे माजी मुख्यमंत्री प्रकाशसिंह बादल म्हणाले, ‘मी इतका गरीब आहे की, शेतकऱ्यांसाठी अर्पण करण्याला माझ्याकडे काहीच नाही. मी जो काही आहे तो शेतकऱ्यांमुळेच आहे. अशात जर शेतकऱ्यांचा अपमान होत असेल, तर कोणत्याही प्रकारचा सन्मान राखून ठेवण्यात काहीच फायदा नाही.’ शेतकऱ्यांची फसवणूक करण्यात आली असून, त्यामुळे शेतकऱ्यांना मोठे दु:ख झाले आहे. शेतकऱ्यांच्या आदोलनाला चुकीच्या पद्धतीने सादर करण्यात येत आहे, ते अतिशय दु:खद असल्याचे त्यांनी म्हटले आहे.

The post प्रकाशसिंह बादल यांनी केंद्रीय कृषी कायद्यांचा निषेध करत ‘पद्मविभूषण’ सन्मान केला परत appeared first on थोडक्यात घडामोडी.