लोणावळा : मुंबई-पुणे एक्स्प्रेस वेवर भीषण अपघात झाला आहे. मुंबईकडे जाणारा एक कंटेनर एक्सप्रेस वेवर नव्याने उभारण्यात येत असलेल्या पुलावरून खाली कोसळला. या दुर्घटनेत दोन जण गंभीर जखमी झाले आहेत. खंडाळा घाटातील खोपोली एक्झिटजवळील उतारावर आज सकाळी साडेसातच्या सुमारास हा अपघात झाला. कंटेनर चालकाचे वाहनावरील नियंत्रण सुटल्याने अपघात झाल्याची माहिती मिळाली आहे.

कंटेनर पुलावरून कोसळल्यामुळे मोठा आवाज झाला. त्यानंतर आसपासच्या कामगारांनी घटनास्थळी धाव घेतली आणि पोलिसांना या अपघाताची माहिती देण्यात आली. पोलिसांनी घटनास्थळी धाव घेत जखमींना अपघातग्रस्त वाहनातून बाहेर काढलं आणि रुग्णालयात दाखल केलं. दरम्यान, जखमी असलेल्या दोघांवर सध्या रुग्णालयात उपचार सुरू असून दोघांचीही प्रकृती स्थिर असल्याची माहिती आहे. पोलीस अधिक तपास करत आहेत.

The post मुंबई-पुणे एक्स्प्रेस वेवर कंटेनर पुलावरून खाली कोसळल्याने भीषण अपघात, दोन जण गंभीर जखमी appeared first on थोडक्यात घडामोडी.

रायगड : मुंबई-पुणे एक्सप्रेस वेवर भीषण अपघात झाला आहे. या अपघातात पाच जणांचा मृत्यू झाला आहे. तर पाच जण जखमी झाले आहेत. मुंबईकडे येणाऱ्या मार्गावर खालापूर टोलनजीक फुडमॉलजवळ मध्यरात्री हा भीषण अपघात झाला. कंटेनर ट्रेलर, इनोव्हा कार, क्रेटा कार, टेम्पो, ट्रकचा भीषण अपघात झाला आहे. अपघातात गाड्यांचा अक्षरश: चक्काचूर झाला आहे.

एका कंटेनरने मागच्या बाजूने टेम्पोला धडक दिली. या धडकेमुळे टेम्पो पलटी झाला आणि मागून येणाऱ्या दोन कार टेम्पोला धडकल्या. त्याचवेळी पाठीमागून येणाऱ्या ट्रकने या दोन्ही गाड्यांना धडक दिली.

मृतांमध्ये एकाच कुटुंबातील चार जणांचा समावेश आहे. नवी मुंबईतील डॉक्टर वैभव झुंजारे, त्यांची आई, पत्नी आणि 5 वर्षीय मुलीचा मृत्यू झाला आहे. डाॅ. वैभव झुंजारे नवी मुंबई महानगरपालिकेत पशुवैद्यकीय अधिकारी म्हणून कार्यरत होते. जखमींपैकी दोघांना पनवेल, दोघांना वाशी येथील रुग्णालयात दाखल करण्यात आले आहे.

अपघातातील मृतांची नावे :

1. मंजू प्रकाश नाहर, वय 58 वर्ष, गोरेगाव पश्चिम
2. डॉ. वैभव वसंत झुंझारे, वय 41 वर्ष, नेरुळ, नवी मुंबई
3. उषा वसंत झुंझारे, वय 63 वर्ष, नेरुळ, नवी मुंबई
4. वैशाली वैभव झुंझारे, वय 38 वर्ष, नेरुळ, नवी मुंबई
3. श्रीया वैभव झुंझारे, वय 5 वर्ष, नेरुळ, नवी मुंबई

जखमींची नावे :

१) स्वप्नील सोनाजी कांबळे (३०)
२) प्रकाश हेमराज नाहर (६५)
३) अर्णव वैभव झुंझारे (११)
४) किशन चौधरी (गंभीर जखमी)
५) काळूराम जमनाजी जाट (गंभीर जखमी)

The post मुंबई-पुणे एक्सप्रेस वेवर भीषण अपघात, पाच जणांचा मृत्यू appeared first on थोडक्यात घडामोडी.