अमरावती : डोळ्यात मिरचीपूड फेकून एका व्यक्तीकडील १९ लाख ५० हजार रुपये लुटण्याचा प्रयत्न झाला होता. १९ मे रोजी सकाळी १०.30 च्या दरम्यान ही धक्कादायक घटना घडली होती. पोलिसांनी या प्रकरणातील गुन्हेगारांना शोधण्यासाठी शहरातील विविध ठिकाणांवरील सीसीटीव्ही फुटेज तपासून तिघांना अटक केली आहे.

मिळालेल्या माहितीनुसार, मनोज चौधरी (वय ३५) हे एका खाजगी कंपनीत मनी ट्रान्सफरचे काम करतात. ते दुचाकीने श्याम चौकातील स्टेट बँकेमध्ये रक्कम भरण्यासाठी निघाले होते. त्यांच्या बॅगमध्ये १९.५० लाख रुपये होते. काही अंतरावरच लुटारूंनी त्यांच्या डोळयात मिरचीपूड फेकून त्यांना लुटण्याचा आणि ही रक्कम लांबवण्याचा प्रयत्न केला. मात्र चौधरी त्यांच्या या हल्ल्यातून निसटले. त्यांनी या प्रकरणी कोतवाली पोलीस ठाण्यात गुन्हा दाखल केला होता.

पोलिसांनी कसून तपास केला आणि लुटारूंच्या शोधात फ्रेजरपुरा, कोतवाली, गाडगेनगर, राजा पेठ आणि बडनेरा या पोलिस ठाण्याच्या हद्दीतील सुमारे ४० ठिकाणांवरील सीसीटीव्ही फुटेज तपासले. त्यातून पोलिसांनी लुटारूंचा माग काढला. त्या आधारे अनिकेत ज्ञानेश्वर जाधव (२७, रा. अकोली), साहील नरेश मेश्राम (२४, रा. माता फैल बडनेरा) आणि यश सुनील कडू (२४, रा. जेवडनगर) या तिघांना पोलिसांनी अटक केली आहे.

पोलीस शनिवारी सकाळी साईनगर भागातील एका कुरिअरच्या कार्यालयाजवळ पोहचले. तिथे अनिकेत जाधव काम करत होता. या प्रकरणाचा मास्टर माइंड अनिकेत जाधव असल्याचे समोर आले. कोतवाली पोलिसांनी शनिवारी सकाळी त्याला ताब्यात घेतले. साहील मेश्राम व यश कडू हे पळून जाण्याच्या तयारीत होते, मात्र त्याअगोदरच त्यांना बडनेरा रेल्वे स्थानकावरून अटक करण्यात आली. दरम्यान, गुन्हा करतेवेळी यांच्यासोबत आणखी एक जण असल्याचे समोर आले आहे, त्याचाही पोलीस शोध घेत आहेत.

The post थरार : डोळ्यात मिरचीपूड फेकून १९ लाख ५० हजार रुपये लुटायला गेले आणि… appeared first on थोडक्यात घडामोडी.

पेमेंट सर्विस Whatsapp Pay ची टेस्टिंग मेसेजिंग प्लॅटफॉर्मवर गेल्या काही दिवसांपासून केली जात होती. व्हॉट्सअॅपने आपल्या पेमेंट सिस्टमची टेस्टिंग बीटा युजर्ससोबत फेब्रुवारी २०१८ मध्ये सुरू केली होती. आता हे फीचर सर्व युजर्ससाठी उपलब्ध करण्यात आले आहे. याच्या मदतीने युजर्स चॅटिंग करताना आता या प्लॅटफॉर्मवर पेमेंट सुद्धा करू शकणार आहेत.

व्हॉट्सअॅपला पेमेंट सर्विस भारतात सुरू करण्यासाठी नॅशनल पेमेंट्स कॉर्पोरेशन ऑफ इंडिया (NPCI) कडून परवानगी मिळाली आहे. जून महिन्यामध्ये व्हॉट्सअॅपने पेमेंट सर्व्हिस सुरू केली होती. परंतु ही सेवा वापरण्याची संधी केवळ काही व्हॉट्सअॅप यूजर्सला मिळाली होती. आतादेखील NPCI ने काही मोजक्या क्रमांकाना व्हॉट्सअॅप मनी ट्रान्सफरची सेवा वापरण्याची परवानगी दिली आहे. कंपनी आगामी काळात ही मर्यादा वाढवणार आहे

भारतात व्हॉट्सअॅपचा युजरबेस जवळपास ४० कोटी युजर्सचा आहे. फेसबुक सीईओ मार्क झुकरबर्ग यांनी म्हटले, आम्ही नॅशनल पेमेंट्स कॉर्पोरेशन ऑफ इंडिया सोबत काम करीत होतो. त्यामुळे प्रत्येक पेमेंटचे सिक्योर आणि विश्वासार्ह असणे गरजेचे आहे. आम्ही भारताच्या युनिफाइड पेमेंट्स इंटरफेसच्याद्वारे असे करू शकलो आहे. याच्या मदतीने हे सोप्या पद्धतीने वेगवेगळ्या अॅप्सवर सर्विस देणाऱ्या कंपन्यासाठी पेमेंट करू शकतील.

Whatsapp Pay भारतातील १० स्थानिक भाषेत उपलब्ध करण्यात आले आहे. अॅपच्या लेटेस्ट व्हर्जनवर iOS आणि Android यूजर्स याचा वापर करु शकतील. यासाठी व्हॉट्सअॅप युजर्ससाठी कोणत्याही यूपीआय सपोर्टेड बँकेचे डेबिट कार्ड असणे गरजेचे आहे.

The post वाह! आता Whatsapp वरून करता येणार पैसे ट्रान्सफर appeared first on थोडक्यात घडामोडी.