मुंबईः मुंबईतील बांद्रा कुर्ला संकुल परिसरात शुक्रवारी पहाटे बांधकाम सुरू असलेला उड्डाणपूल कोसळल्याची घटना घडली आहे. या दुर्घटनेत 14 मजूर जखमी झाले आहेत. जखमींना जवळच्या रुग्णालयात नेण्यात आले आहे.

उड्डाणपूलाचे काम सुरू असल्याने काही मजूर पूलावर उपस्थित होते. त्यावेळी पहाटे चार वाजण्याच्या दरम्यान या पूलाचा एक गर्डर खाली कोसळला. यावेळी मजूर खाली कोसळले. या सर्व जखमींना तातडीने रुग्णालयात दाखल केले असून कोणीही गंभीर जखमी नसल्याची माहिती पोलिसांनी दिली आहे. दुर्घटनेची माहिती मिळताच अग्निशमन दलाच्या गाड्या व मुंबई पोलिसांनी तात्काळ घटनास्थळी धाव घेतली. सुदैवानं या दुर्घटनेत कोणतीही जिवीतहानी झाली नाही.

अग्निशमन दलाच्या अधिकाऱ्याने दिलेल्या माहितीनुसार, ही घटना पहाटे 4:40 वाजता घडली. “बीकेसी मुख्य रस्ता आणि सांताक्रूझ-चेंबूर लिंक रोडला जोडणाऱ्या निर्माणाधीन उड्डाणपुलाचा एक भाग पहाटे साडेचारच्या सुमारास कोसळला. 13 जण किरकोळ जखमी झाले आहेत आणि त्यांना रुग्णालयात हलवण्यात आले आहे. कोणतीही जीवितहानी नाही आणि कोणीही बेपत्ता नाही.

The post मुंबईः बांधकाम सुरू असलेल्या उड्डाणपूलाचा भाग कोसळला; 14 मजूर जखमी appeared first on थोडक्यात घडामोडी.