शिबलापूर, ता. संगमनेर, जि. अहिल्यानगर – भाग्योदय नागरी पतसंस्थेच्या संचालक मंडळाच्या नुकत्याच झालेल्या निवडणुकीत श्री. प्रमोद सतीश बोंद्रे यांची चेअरमन पदी तर श्री. सुभाष भागवत मुन्तोडे यांची व्हा. चेअरमन पदी बिनविरोध निवड करण्यात आली. नवनिर्वाचित चेअरमन आणि व्हा. चेअरमन यांनी संस्थेच्या विकासासाठी स्पष्ट दिशा ठरवली आहे. संस्थेच्या कारभारात पारदर्शकता आणि गतिमानता राखण्याची आणि सदस्यांना अधिकाधिक सुविधा व आर्थिक प्रगतीसाठी प्रयत्नशील राहण्याची ग्वाही दिली. ही निवड संस्थेच्या भविष्यातील प्रगतीसाठी महत्त्वपूर्ण ठरणार आहे, असं मानलं जात आहे. निवडणुकीनंतर संस्थेच्या सदस्यांनी नवनिर्वाचित नेतृत्वाचे स्वागत करून, त्यांच्या नेतृत्वाखाली संस्थेच्या विकासाची आशा व्यक्त केली आहे.

The post भाग्योदय नागरी पतसंस्थेच्या चेअरमन व व्हा. चेअरमन पदांची बिनविरोध निवड appeared first on थोडक्यात घडामोडी.

राज्यात विधानसभेचे विशेष अधिवेशन सुरू असून आज तिसरा व शेवटचा दिवस आहे. मागील दोन दिवसांमध्ये जवळपास सर्व आमदारांनी शपथ घेतली आहे. आजच्या अधिवेशनात राहुल नार्वेकर यांच्या नावाची विधानसभा अध्यक्षपदासाठी घोषणा करण्यात येणार आहे. त्यांनी कालच या पदासाठी अर्ज दाखल केला होता, आणि त्यांची बिनविरोध निवड झाली आहे.

दुसरीकडे, राज्यात महाविकास आघाडीकडून ईव्हीएमविरोधात आंदोलन सुरू करण्यात आले आहे. तसेच महाराष्ट्र एकीकरण समितीचं बेळगाव येथे महाअधिवेशन होणार आहे. मात्र, कर्नाटक पोलिसांनी या अधिवेशनाला परवानगी नाकारली आहे. तरीसुद्धा महाराष्ट्र एकीकरण समितीने अधिवेशन घेण्यावर ठाम भूमिका घेतली आहे, ज्यामुळे कर्नाटक पोलिसांनी बंदोबस्त वाढवला आहे. याचे पडसाद महाराष्ट्रातही उमटण्याची शक्यता आहे. त्यामुळे महाराष्ट्र-कर्नाटक सीमावाद पुन्हा एकदा पेटण्याची चिन्हं दिसत आहेत.

The post राहुल नार्वेकर यांची विधानसभेच्या अध्यक्षपदी बिनविरोध निवड appeared first on थोडक्यात घडामोडी.