मुंबई : अभिनेता सलमान खानला मुंबई उच्च न्यायालयाने मोठा दिलासा दिला आहे. 2019 मध्ये एका पत्रकारासोबत कथित गैरवर्तन प्रकरणी कनिष्ठ न्यायालयाने सलमानला जारी केलेल्या समन्सला मुंबई उच्च न्यायालयाने 13 जून 2022 पर्यंत स्थगिती दिली.

दिवाणी न्यायालयाने मार्च महिन्यात सलमान आणि त्याचा अंगरक्षक नवाज शेख यांना समन्स बजावले होते आणि त्यांना 5 एप्रिल रोजी हजर राहण्याचे निर्देश दिले होते. याप्रकरणी मुंबई उच्च न्यायालयाने 5 मे पर्यंत समन्सला स्थगिती दिली होती, त्यानंतर आज झालेल्या सुनावणीत 13 जून 2022 पर्यंत स्थगिती वाढवण्यात आली. दंडाधिकारी न्यायालयाने त्याला 9 मे पर्यंत वैयक्तिक हजर राहण्यापासून सूट दिली होती.

काय आहे प्रकरण?
पत्रकार अशोक पांडे यांनी २०१९ मध्ये सलमान खान आणि त्याच्या बाॅडीगार्डविरोधात तक्रार दाखल केली होती. अशोक पांडे आपल्या तक्रारीत म्हणाले की, २०१९ मध्ये ते कॅमेरामनसोबत कुठेतरी जात असताना त्यांना वाटेत सलमान खान सायकल चालवताना दिसला. अभिनेत्याच्या दोन्ही अंगरक्षकांची परवानगी घेतल्यानंतर अशोकने त्याचा व्हिडिओ रेकॉर्ड करण्यास सुरुवात केली. ही बाब सलमान खानला समजताच त्याने याला विरोध करण्यास सुरुवात केली. यानंतर सलमान खानच्या अंगरक्षकानेही त्याच्यावर हात उचलला. त्यानंतर सलमान खानने आपल्याला मारहाण करून फोन हिसकावून घेतला आणि धमकी दिल्याचंही या तक्रारीत म्हटलं आहे.

The post सलमान खानला मोठा दिलासा, पत्रकारासोबत गैरवर्तन प्रकरणी समन्सला 13 जून पर्यंत स्थगिती appeared first on थोडक्यात घडामोडी.

मुंबई : अभिनेता सलमान खानला मुंबई उच्च न्यायालयाने मोठा दिलासा दिला आहे. 2019 मध्ये एका पत्रकारासोबत कथित गैरवर्तन प्रकरणी कनिष्ठ न्यायालयाने सलमानला जारी केलेल्या समन्सला मुंबई उच्च न्यायालयाने मंगळवारी 5 मे पर्यंत स्थगिती दिली, तर दंडाधिकारी न्यायालयाने त्याला 9 मे पर्यंत वैयक्तिक हजर राहण्यापासून सूट दिली. दिवाणी न्यायालयाने गेल्या महिन्यात सलमान आणि त्याचा अंगरक्षक नवाज शेख यांना समन्स बजावले होते आणि त्यांना 5 एप्रिल रोजी हजर राहण्याचे निर्देश दिले होते.

मंगळवारी सलमानच्या वकिलांनी मॅजिस्ट्रेट कोर्टात अर्ज दाखल करून हजेरीतून सूट मिळावी यासाठी अर्ज केला होता. त्यावर न्यायदंडाधिकारी न्यायालयाने सूट दिली आणि प्रकरण ९ मे रोजी सुनावणीसाठी ठेवले. सलमानने कनिष्ठ न्यायालयाने बजावलेल्या समन्सला आव्हान देत मुंबई उच्च न्यायालयात धाव घेतली. मंगळवारी, न्यायमूर्ती रेवती मोहिते डेरे यांच्या एकल खंडपीठाने तक्रारदाराला (पत्रकार अशोक पांडे) कनिष्ठ न्यायालयाच्या आदेश जारी करण्याच्या प्रक्रियेला आव्हान देणाऱ्या आणि कार्यवाही रद्द करण्याची मागणी करणाऱ्या अभिनेत्याच्या याचिकेला उत्तर म्हणून शपथपत्र दाखल करण्याचे निर्देश दिले.

The post सलमान खानला मोठा दिलासा, पत्रकारासोबत गैरवर्तन प्रकरणी समन्सला 5 मे पर्यंत स्थगिती appeared first on थोडक्यात घडामोडी.