जळगाव : इंदूरहून भुसावळकडे जाणारी खासगी लक्झरी बस रविवारी पहाटे भीषण अपघाताला सामोरी गेली. आमोदा गावाजवळ मोरनदीवरील पुलावरून बस अनियंत्रित होऊन थेट नदीपात्रात कोसळली. या दुर्घटनेत तिघांचा मृत्यू झाला असून तब्बल २५ प्रवासी जखमी झाले आहेत.

ही घटना पहाटे साडेसहा वाजताच्या सुमारास घडली. एमपी-०९-९००९ क्रमांकाची बस पुलावरून जात असताना चालकाचे बसवरील नियंत्रण सुटले. बसने पुलावरील बॅरिकेट्स तोडले आणि थेट कोरड्या नदीपात्रात पडली. पुलावरून कोसळल्यानंतर बस उलटली आणि अनेक प्रवासी त्याखाली अडकले.

अपघाताची माहिती मिळताच गावकरी आणि पोलिसांनी तत्काळ धाव घेत बचावकार्य सुरू केले. जखमींना स्थानिक खाजगी रुग्णालयात दाखल करण्यात आले असून काहींची प्रकृती चिंताजनक आहे.

नदीत पाणी नसल्याने मोठा अनर्थ टळला

सुदैवाने या काळात नदीला पाणी नव्हते. अन्यथा मृतांचा आकडा अधिक वाढला असता, असे प्रत्यक्षदर्शींनी सांगितले. अपघातात जखमी प्रवाशांना सुरक्षित बाहेर काढण्यासाठी ग्रामस्थांनी व पोलिसांनी मोठे प्रयत्न केले.

महिनाभरात २६ अपघातांचा शोकांतिका

फैजपूर–आमोदा रस्त्यावर अपघातांचे प्रमाण सातत्याने वाढत असून, एका महिन्यात या मार्गावर तब्बल २६ अपघात झाले आहेत. रस्त्याची अवस्था निकृष्ट असल्याने वाहन चालवताना नियंत्रण राखणे अवघड जाते, असे वाहनचालकांचे म्हणणे आहे. “ब्रेक दाबल्यावरही गाडी घसरत जाते,” अशी तक्रार चालकांनी केली. परिणामी, सार्वजनिक बांधकाम विभागाच्या कार्यक्षमतेवर प्रश्नचिन्ह उपस्थित झाले आहे.

अपघाताची नोंद फैजपूर पोलीस ठाण्यात करण्यात आली असून पुढील तपास सुरू आहे.

The post जळगावात भीषण अपघात : लक्झरी बस थेट पुलावरून नदीत कोसळली – तिघांचा मृत्यू, २५ प्रवासी जखमी appeared first on थोडक्यात घडामोडी.

जळगाव : किनगावजवळ टेम्पो पलटी होऊन झालेल्या भीषण अपघातात 16 जणांचा मृत्यू झाला आहे. यात आभोडा येथील 12, केऱ्हाळा येथील 2 आणि रावेर येथील 2 असे 16 मजूर मृत्यूमुखी पडले आहेत तर 5 गंभीर जखमी झाले आहेत. मध्यरात्रीच्या सुमारास किनगावजवळ टेम्पो पलटून हा अपघात झाला. या अपघाताची पंतप्रधान नरेंद्र मोदी यांनी दखल घेतली आहे. अपघातग्रस्तांना पंतप्रधान कार्यालयाकडून मदत जाहीर करण्यात आली आहे.

अपघातातील मृतांच्या नातेवाईकांना पंतप्रधान मदत निधीतून दोन लाखांची मदत जाहीर करण्यात आली आहे. तर गंभीर जखमींना 50 हजार रुपये मदत दिली जाणार आहे. या संदर्भात पंतप्रधान कार्यालयाकडून ट्वीट करण्यात आले आहे. शोकाकुल कुटुंबाच्या दु:खात मी सहभागी असल्याचे पंतप्रधानांनी म्हटले आहे.

PM @narendramodi has approved an ex-gratia of Rs. 2 lakh each from Prime Minister’s National Relief Fund for the next of kin of those who have lost their lives due to the tragic truck accident in Jalgaon, Maharashtra. Rs. 50,000 would be given to those seriously injured.

— PMO India (@PMOIndia) February 15, 2021

मुख्यमंत्री उद्धव ठाकरे यांनीदेखील किनगाव टेम्पो अपघातातील मृत मजुरांच्या नातेवाईकांना दोन लाखांची मदत तर जखमींच्या उपचाराचाही खर्च करणार असल्याची घोषणा केली आहे. अपघाताची माहिती मिळताच मुख्यमंत्र्यांनी प्रशासनाला आवश्यक त्या सूचना दिल्या.

The post जळगाव अपघाताची पंतप्रधान नरेंद्र मोदींनी घेतली दखल, मदतीची घोषणा appeared first on थोडक्यात घडामोडी.