नवी दिल्ली : गेल्या काही महिन्यांपासून एलपीजी गॅस सिलेंडरच्या किमती सतत वाढत आहेत. एलपीजीचे दर उद्या म्हणजेच 1 ऑगस्ट रोजी पुन्हा निश्चित केले जातील. त्यामुळे पुन्हा सिलेंडरच्या किमती वाढू शकतात. अशा परिस्थितीत सबसिडी अत्यंत महत्वाची झाली आहे. जर तुम्हाला सबसिडीचा लाभ मिळत नसेल तर अशा प्रकारे तुम्ही पुन्हा सबसिडी मिळवू शकता.

गॅस सबसिडीसाठी अर्ज करण्यासाठी :

1. प्रथम www.mylpg.in वर जा आणि आपला सर्व्हिस प्रोव्हायडर निवडा.
2. आता एक नवीन पान तुमच्या समोर उघडेल. येथे तुम्हाला साइन इन आणि नवीन वापरकर्ता (न्यू युझर) असे दोन पर्याय दिसतील.
3. जर तुम्ही आधी लॉग इन केले असेल तर तुम्हाला तुमचा आयडी आणि पासवर्ड माहित असेल. त्याद्वारे लॉग इन करा. जर तुम्ही यापूर्वी कधीही लॉग इन केले नसेल तर नवीन वापरकर्ता पर्याय निवडा.
4. आता एक नवीन पान तुमच्या समोर उघडेल. यामध्ये उजव्या बाजूला View Cylinder Booking History चा पर्याय निवडा. आता तुम्हाला किती सबसिडी मिळाली आणि केव्हा? याबाबतची संपूर्ण माहिती मिळेल.
5. जर तुम्हाला सबसिडी मिळाली नसेल, तर फीडबॅक बटणावर क्लिक करून तुमची तक्रार नोंदवा.

परंतु, जर तुम्ही अद्याप एलपीजी आयडी तुमच्या खात्याशी लिंक केले नसेल, तर तुम्ही वितरकाकडे (सर्व्हिस प्रोव्हायडर) जाऊन हे काम करून घ्या. याशिवाय 18002333555 या टोल फ्री क्रमांकावर फोन करून तुम्ही तक्रार नोंदवू शकता.

तुम्ही तुमच्या सबसिडी सोडून देण्यासाठी अर्ज केला असेल, तर तुम्हाला एलपीजी सिलिंडरवर सबसिडी मिळत नाही. याशिवाय आधार कार्ड लिंक नसले तरी सबसिडी बंद केली जाते. एलपीजीची सबसिडी सर्व राज्यांमध्ये वेगळ्या पद्धतीने निश्चित करण्यात आली आहे. ज्या कुटुंबाचे वार्षिक उत्पन्न 10 लाखांपेक्षा जास्त आहे, त्यांना सबसिडीचा लाभ मिळत नाही, परंतु यापेक्षा कमी कमाई करणारे लोक अनुदानासाठी अर्ज करू शकतात.

The post गॅस सिलेंडर सबसिडीचा लाभ मिळत नसेल तर काय करावे? जाणून घ्या… appeared first on थोडक्यात घडामोडी.

मुंबई : महागाईमुळे सामान्य माणसांच्या खर्चाचे बजेट कोलमडत आहे. त्यातच पुन्हा एकदा विना अनुदानित घरगुती एलपीजी सिलेंडरच्या किमतींमध्ये वाढ झाली आहे. सरकारी तेल कंपन्यांनी घरगुती एलपीजी सिलेंडरच्या किंमतीत 25 रुपयांची वाढ केली आहे.

देशाची राजधानी दिल्लीमध्ये एलपीजी गॅस सिलेंडरचे दर आता 834 रुपयांवर पोहोचले आहेत. यापूर्वी घरगुती गॅस सिलेंडरची किंमत 809 रुपये होती. दरम्यान, एप्रिलमध्ये एलपीजी सिलेंडरच्या किंमती 10 रुपयांनी स्वस्त झाल्या होत्या, त्यानंतर मे-जूनमध्ये एलपीजी गॅसच्या किमतींमध्ये कोणताही बदल झालेला नव्हता. दिल्लीव्यतिरिक्त आजपासून कोलकातामध्ये एलपीजी सिलेंडर 861 रुपयांना विकण्यात येणार आहे. तर मुंबईत विना अनुदानित घरगुती एलपीजी सिलेंडरची किंमत 834 रुपये असणार आहे. चेन्नईत एलपीजी गॅस सिलेंडरच्या किमती 850 रुपयांवर पोहोचल्या आहेत.

तसेच दिल्लीत 19 किलोच्या सिलेंडरची किंमत 76.50 रुपयांनी वाढून 1550 रुपये झाली आहे. इंडियन ऑइलच्या वेबसाईटवर देण्यात आलेल्या माहितीनुसार, एक जून रोजी दिल्लीमध्ये सिलेंडरची किंमत 122 रुपयांनी कमी करण्यात आली होती. सध्या कोलकाता, मुंबई, चेन्नईमध्ये 19 किलोच्या सिलेंडरची किंमत अनुक्रमे 1651.50, 1507, 1687.50 रुपये आहे.

The post महागाईचा भडका! गॅस सिलेंडरच्या किमतींमध्ये वाढ appeared first on थोडक्यात घडामोडी.

नवी दिल्ली : घरगुती गॅस सिलेंडरच्या दरात पुन्हा एकदा 25 रुपयांची वाढ करण्यात आली आहे. आता ग्राहकांना 14.2 किलो वजनाच्या विना अनुदानित सिलेंडरसाठी 794 रुपये मोजावे लागणार आहे.

फेब्रुवारी महिन्यात तिसऱ्यांदा गॅस सिलेंडरच्या दरात वाढ झाली आहे. या अगोदर 4 फेब्रुवारीला विनाअनुदानित सिलेंडरच्या किंमतीत 25 रूपयांनी वाढ झाली होती. त्या नंतर 15 फेब्रुवारी रोजी 50 रुपयांची वाढ झाली होती. आता पुन्हा एकदा सिलेंडरच्या किंमतीत 25 रुपयांची वाढ करण्यात आली आहे.

मुंबईत घरघुती सिलेंडर आता 769 रूपयांवरून 794 रुपयांवर पोहचला आहे. चेन्नईमध्ये 810 रुपये तर कोलकातामध्ये सर्वाधिक म्हणजे 820 रुपयांवर पोहचला आहे. त्यामुळे पेट्रोल-डिझेल आणि सिलेंडरच्या किंमती वाढल्यामुळे सर्वसामान्यांना आर्थिक अडचणींना सामोरं जावं लागत आहे.

The post घरगुती गॅस सिलेंडरच्या दरात पुन्हा वाढ, सर्वसामान्यांना आर्थिक ताण appeared first on थोडक्यात घडामोडी.