लखनौ : उत्तर प्रदेशची राजधानी लखनौमध्ये मालमत्ता विभागाच्या चालकाचा कर्तव्यावर असताना हृदयविकाराच्या झटक्याने मृत्यू झाला. त्यानंतर, मृत व्यक्तीच्या नातेवाईकांनी विभागावर निष्काळजीपणाचा आरोप लावला आहे. वैद्यकीय रजेवर असूनही त्यांना ड्युटीवर मंत्री नारायण राणे यांच्यासोबत ठेवण्यात आले, असा आरोप आहे. नातेवाईकांनी विभागाच्या अधिकाऱ्याविरोधात तक्रार दिली असून पोलीस पुढील कारवाई करत आहेत.

मिळालेल्या माहितीनुसार, अशोक कुमार वर्मा राज्य मालमत्ता विभागात चालक म्हणून तैनात होते. केंद्रीय मंत्री नारायण राणे लखनौला आले, तेव्हा अशोक कुमार यांची ड्युटी लावण्यात आली होती. ड्युटीवर असताना अशोक यांना हृदयविकाराचा झटका आला, त्यानंतर त्याला रुग्णालयात नेण्यात आले. परंतु, त्यांचा मृत्यू झाला.

मृताच्या नातेवाईकांच्या म्हणण्यानुसार, अशोकची तब्येत खराब होती, त्यामुळे ते वैद्यकीय रजेवर (medical leave) होते, पण जेव्हा नारायण राणे आले, तेव्हा अशोक यांना वैद्यकीय रजा असूनही जबरदस्तीने बोलावण्यात आले. त्यांच्या कुटुंबाने मालमत्ता विभागाचे मोटार प्रभारी अमरीश श्रीवास्तव यांच्यावर आरोप केला आहे की, त्याने अशोकच्या आजाराविषयी माहिती असूनही फोन केला आणि जबरदस्तीने बोलावून घेतले. तसेच न आल्यास अशोक कुमार यांना निलंबित करण्याची धमकी दिली. यामुळे अशोक यांना ड्युटीवर जाणे भाग पडले.

पोलिसांनी सांगितले की अशोक कुमार वर्मा यांचे हृदयविकाराच्या झटक्याने निधन झाले. कुटुंबाने हत्येचा आरोप केला असून तक्रार दिली आहे. या प्रकरणाचा तपास करून पुढील कारवाई केली जात आहे. मृतदेह शवविच्छेदनासाठी पाठवण्यात आला आहे. कारण काहीही असो, त्यानुसार पुढील कारवाई केली जाईल.

The post केंद्रीय मंत्री नारायण राणे यांच्या ड्युटीवरील चालकाचा मृत्यू, मृताच्या कुटुंबीयांचे गंभीर आरोप appeared first on थोडक्यात घडामोडी.

खासदार संजय राऊत यांच्यावर एका उच्चशिक्षित महिलेने अतिशय गंभीर आरोप केले आहेत. शुक्रवारी या महिलेने मुंबई उच्च न्यायालयात याविषयी तक्रार करणारा अर्ज दाखल केला आहे. आपल्या मागे माणसे लावणे, छळवणूक, हेरगिरी करणे, जिवे मारण्याचा प्रयत्न, धाक दाखविणे तसेच विनयभंग केल्याचाही आरोप या महिलेने केला आहे. यासंदर्भात न्यायालयाने चार मार्चला पुढील सुनावणीचे आदेश दिले.

महिलेने याचिकेत म्हटले आहे कि, “मी सन २०१३ मध्ये माझ्या रेस्टॉरंटबाहेर दुचाकीवरून आलेल्या दोघांनी माझ्यावर केलेल्या हल्ल्याविषयी माहिम पोलिस ठाण्यात आणि २०१८मध्ये माझ्या कारवर झालेल्या हल्ल्याबाबत वाकोला पोलिस ठाण्यात एफआयआर नोंदवला होता. मात्र, पोलिसांनी याबाबत पुढे कोणतीही कारवाई केली नाही. त्यांनी संजय राऊत यांचा साधा जबाबही नोंदवला नाही. मागील सात वर्षांपासून सुरू असलेल्या या छळवणुकीविषयी गेल्या वर्षी मी मुख्यमंत्री उद्धव ठाकरे व पंतप्रधान नरेंद्र मोदी यांना पत्र लिहून दाद मागितली. मात्र, काही उपयोग झाला नाही. त्यामुळे मी राष्ट्रीय महिला आयोगाकडे धाव घेतली. आयोगाने एफआयआर नोंदवून कारवाई करण्याचे आदेश दिले. मात्र, बीकेसी-परिमंडळ ८च्या पोलिस उपायुक्तांनी त्याची आजतागायत दखल घेतली नाही. म्हणून नाईलाजास्तव उच्च न्यायालयात दाद मागावी लागत आहे.” अॅड. आभा सिंग यांनी न्या. संभाजी शिंदे व न्या. मनीष पितळे यांच्या खंडपीठापुढे हा अर्ज दाखल केला. आता चार मार्चला पुढील सुनावणी होणार आहे.

The post संजय राऊत यांच्यावर महिलेचे अतिशय गंभीर आरोप, मुंबई उच्च न्यायालयात केली तक्रार appeared first on थोडक्यात घडामोडी.