अहमदनगर : खासदार डॉ. सुजय विखे पाटील यांना कोरोनाची लागण झाली आहे. त्यांनी ट्विट करुन याबाबतची माहिती दिली. काही दिवसांपूर्वीच भाजप आमदार राधाकृष्ण विखे पाटील यांना कोरोनाची लागण झाली आहे.

डॉ. सुजय विखे पाटील यांनी ट्विटमध्ये लिहिलं की, आज माझी कोव्हिड टेस्ट पॉझिटिव्ह आली आहे. काळजी करण्याचे कारण नाही. परंतु खबरदारी म्हणून मी स्वत: विलगीकरणात जात आहे. माझ्या संपर्कात आलेल्या सर्वांनी स्वत:ची कोव्हिड टेस्ट करावी व काळजी घ्यावी.

आज माझी कोव्हीड टेस्ट पॉझीटीव्ह आली आहे.काळजी करण्याचे कारण नाही परंतु खबरदारी म्हणून मी स्वतः विलागीकरणात जात आहे

माझ्या संपर्कात आलेल्या सर्वांनी स्वतःची कोव्हीड टेस्ट करावी व काळजी घ्यावी.

— Dr. Sujay Vikhe Patil (@drsujayvikhe) January 3, 2022

पंकजा मुंडेंना ओमायक्रॉनची लागण
भाजप नेत्या पंकजा मुंडे यांना कोरोनाच्या ओमायक्रॉन या नव्या व्हेरिएंटची लागण झाली आहे. पंकजा मुंडेंना एप्रिल 2020 मध्येदेखील कोरोनाची लागण झाली होती. यावेळी त्यांना ओमायक्रॉनची लागण झाल्याची शंका व्यक्त करण्यात येत होती. त्यांचे स्वॅब जिनोम सिक्वेन्सिंगसाठी पाठविण्यात आले होते, त्याचा रिपोर्ट रविवारी समोर आला असून त्यांना ओमायक्रॉनची लागण झाल्याचं स्पष्ट झालं आहे.

The post खासदार डॉ. सुजय विखे पाटील यांना कोरोनाची लागण appeared first on थोडक्यात घडामोडी.

मुंबई : राष्ट्रवादीच्या खासदार सुप्रिया सुळे यांना कोरोनाची लागण झाली आहे. त्यांनी स्वत: ट्विट करत ही माहिती दिली आहे. सुप्रिया आणि त्यांचे पती सदानंद या दोघांनाही कोरोनाची लागण झाली आहे. सध्या त्यांच्यात कोरोनाची कोणतीही लक्षणे नाहीत. ते सध्या विलगीकरणात राहत आहेत. सुप्रिया सुळे यांनी त्यांच्या संपर्कात आलेल्यांना आपली कोरोना चाचणी करुन घेण्याचे आवाहन केले आहे.

सुप्रिया सुळे यांनी ट्विट करत सांगितले आहे की, सदानंद आणि मी, आम्हा दोघांची COVID-19 चाचणी पॉझिटिव्ह आली आहे. आमच्यात कोणतीही लक्षणे नाहीत. आमच्या संपर्कात आलेल्या प्रत्येकाने स्वतःची चाचणी घ्यावी ही विनंती. काळजी घ्या.

मी आणि सदानंद, आम्हा दोघांचीही कोरोना टेस्ट पॉझिटिव्ह आली आहे. काळजी करण्याचे कारण नाही पण आमच्या संपर्कात आलेल्या सर्वांनी आपली कोरोना टेस्ट करुन घ्यावी,ही नम्र विनंती. काळजी घ्या.

— Supriya Sule (@supriya_sule) December 29, 2021

दरम्यान, राज्याच्या शिक्षणमंत्री वर्षा गायकवाड यांना देखील मंगळवारी कोरोनाची लागण झाल्याचे समोर आले आहे. वर्षा गायकवाड अधिवेशनात देखील उपस्थित होत्या.

The post खासदार सुप्रिया सुळे यांना कोरोनाची लागण appeared first on थोडक्यात घडामोडी.

मुंबई : राष्ट्रवादी काँग्रेस पक्षाचे खासदार अमोल कोल्हे यांची कोविड टेस्ट पॉझिटिव्ह आली आहे. ते सध्या डॉक्टरांच्या सल्ल्यानुसार उपचारासाठी रुग्णालयात दाखल झाले आहेत. कोल्हे यांनी कोरोना प्रतिबंधक लसीचे दोन्ही डोस घेतले होते मात्र, तरिही त्यांना कोरोनाचा संसर्ग झाला आहे. यानंतर कोल्हे यांनी रुग्णालयातून सर्व नागरिकांना एक महत्त्वाचे आवाहन केले आहे.

खासदार अमोल कोल्हे व्हिडीओच्या माध्यमातून म्हटले की, महाराष्ट्र शासनाची सार्वजनिक आरोग्य व्यवस्था सक्षम असून यावार माझा विश्वास आहे. म्हणूनच कोरोना पॉझिटिव्ह रिपोर्ट आल्यानंतर शासकीय रुग्णालयाचा मी पर्याय निवडला आहे. त्यानुसार मुंबई महानगरपालिकेच्या सेव्हन हिल्स रुग्णालयात उपचारासाठी दाखल झालो आहे. आपण आपल्या व्यवस्थांवर विश्वास दाखविला पाहिजे.

ते पुढे म्हटले की, मी दोनवेळा कोरोना प्रतिबंधक लस घेऊन सुद्धा माझी कोरोना टेस्ट पॉझिटिव्ह आली आहे. कोरोनाचा धोका पूर्णपणे टळलेला नाहीये याची प्रचिती मला आलेली आहे. हा डेल्टा व्हेरिएंट असू शकतो. कारण तो लस घेतल्यानंतरची प्रतिकारशक्ती सुद्धा भेदू शकतो. त्यामुळे लस घेतली म्हणजे धोका टळला असे समजून गाफिल राहू नका. सर्वांनी कोरोनाचे नियम, निर्बंध काटेकोरपणे पाळा. विविध माध्यमातून माझे हितचिंतक काळजी व्यक्त करतायत, शुभेच्छा देत आहेत त्यांचे मनापासून आभार मानतो.

The post लसीचे दोन्ही डोस घेतल्यानंतरही कोरोना पॉझिटिव्ह; अमोल कोल्हेंचे रुग्णालयातून हात जोडून आवाहन… appeared first on थोडक्यात घडामोडी.

अभिनेता आणि गुरदासपूरचे भाजप खासदार सनी देओल यांनाही कोरोनाची लागण झाली आहे. ते गेल्या काही काळापासून हिमाचल प्रदेशच्या कुल्लू येथे राहत होते आणि मुंबईला जाण्याची तयारी करत होते. कोविड प्रोटोकॉलअंतर्गत ते मुंबईला जाण्यापूर्वी जेव्हा त्यांची कोरोना चाचणी झाली, तेव्हा त्यांचा रिपोर्ट पॉझिटिव्ह आला.

हिमाचल प्रदेशचे आरोग्य सचिव अमिताभ अवस्थी यांनी ही माहिती दिली. सनी देओल आणि त्यांचे काही मित्र कुल्लूमध्ये होते. ते मुंबईकडे परत जाण्याचा विचार करीत होते. प्रोटोकॉलनुसार, मंगळवारी कोरोना टेस्ट घेण्यात आल्या तेव्हा त्यांना संसर्ग झालेला आढळला. सनी देओल ३ डिसेंबर रोजी मनालीहून मुंबईकडे परत जाणार होते. आता त्यांना मुंबईला परत येणे कठीण झाले आहे.

The post सनी देओल यांना कोरोनाची लागण appeared first on थोडक्यात घडामोडी.