नवी दिल्ली : सध्या अनेक लोक बिटकॉइन सारख्या क्रिप्टोकरंसी मध्ये गुंतवणूक करीत आहेत. परंतु, काहीजण याचा गैरफायदा घेत असून क्रिप्टोकरंसीच्या नावाखाली अनेकांची फसवणूक होत आहे. त्यातच आता स्मार्टफोनमधील काही धोकादायक ऍप्स समोर आले आहेत. गुगलने अशा प्रकारच्या ८ ऍप्सवर बंदी घातली आहे, जे क्रिप्टोकरंसीच्या नावावर लोकांची फसवणूक करीत होते. गुगल प्ले स्टोअरवरून हे ८ ऍप्स हटवण्यात आले आहेत.

सिक्योरिटी फर्म Trend Micro च्या रिपोर्टनुसार, हे ८ धोकादायक ऍप्स जाहिरात दाखवून आणि सब्सक्रिप्शन सर्विसचा चार्ज घेवून साधारण ११०० रुपये महिना आणि अतिरिक्त चार्ज आकारून युजर्संची फसवणूक करत होते. ट्रेंड मायक्रोने याविषयी गुगल प्ले ला माहिती दिल्यानंतर हे ऍप्स प्ले स्टोअरवरून हटवण्यात आले असून त्यांच्यावर बंदी घालण्यात आली आहे. परंतु, तुम्ही जर हे ऍप डाउनलोड केले असेल, तर ते अजूनही तुमचे नुकसान करू शकते. त्यामुळे ते तात्काळ डिलीट करणे आवश्यक आहे.

गुगल प्ले स्टोरवरून हटवलेले ऍप्स :

1. BitFunds – Crypto Cloud Mining
2. Bitcoin Miner – Cloud Mining
3. Bitcoin (BTC) – Pool Mining Cloud Wallet
4. Crypto Holic – Bitcoin Cloud Mining
5. Daily Bitcoin Rewards – Cloud Based Mining System
6. Bitcoin 2021
7. MineBit Pro – Crypto Cloud Mining & btc miner
8. Ethereum (ETH) – Pool Mining Cloud

रिपोर्टमध्ये हेही म्हटले आहे की, या अॅप्सने जुलै २०२० पासून २०२१ पर्यंत जगभरात ४५०० हून जास्त युजर्संना टार्गेट केले आहे. तसेच १२० पेक्षा जास्त नकली क्रिप्टोकरंसी ऑनलाइन ऍप्स अजूनही उपलब्ध आहेत.

The post गुगल प्ले स्टोअरकडून फसवणूक करणाऱ्या ‘या’ Apps वर बंदी, तात्काळ करा डिलीट appeared first on थोडक्यात घडामोडी.