छत्तीसगड : छत्तीसगडमधील राजनांदगाव येथे गुरुवारी रात्री एक मोठी दुर्घटना घडली, ज्यामध्ये एकाच कुटुंबातील 5 जणांचा दुर्दैवी अंत झाला. राजनांदगाव खैरागड मार्गावरील सिंगारपूर गावाजवळ हा अपघात झाला. या दुर्घटनेत कारने अचानक पेट घेतल्याने एकाच कुटुंबातील ५ जण जिवंत जळून खाक झाले आहेत.

मिळालेल्या माहितीनुसार, बालोद जिल्ह्यातील लग्न समारंभात सहभागी होऊन हे कुटुंब खैरागडला परतत होते. दरम्यान शिकारपूर गावाजवळ त्यांच्या अल्टो कारला अपघात झाला. अपघातानंतर लगेचच कारने पेट घेतला. आग इतकी भीषण होती की त्यात बसलेल्या पाच जणांना गाडीतून बाहेरही पडता आले नाही. कारमध्ये बसलेले सर्व जण एकाच कुटुंबातील होते. या प्रकरणी पोलीस अद्याप तपास करत आहेत. सहकारी फॉरेन्सिक टीमही घटनास्थळी तपास करत आहे.

कारचा अपघात रात्री दोनच्या सुमारास घडला. पुलाला धडकल्यानंतर अल्टो कार पलटी झाली, त्यामुळे तिला आग लागली असावी, अशी भीती व्यक्त करण्यात येत आहे. या अपघातात ठार झालेल्यांमध्ये खैरागडमधील गोलबाजार येथील रहिवासी कोचर, त्यांची पत्नी आणि त्यांच्या २०-२५ वयोगटातील तीन मुलींचा समावेश आहे. घटनेची माहिती मिळताच पोलीस रात्रीच घटनास्थळी पोहोचले. पोलिस आणि फॉरेन्सिक टीमने या घटनेचा तपास सुरू केला आहे. या घटनेमागील नेमके कारण तपासानंतरच समोर येईल.

The post भीषण अपघात! कारने पेट घेतल्याने एकाच कुटुंबातील 5 जणांचा दुर्दैवी अंत appeared first on थोडक्यात घडामोडी.

पुणे : सीएनजी गॅस हे पर्यावरणास अनुकूल इंधनांपैकी एक आहे. ते पेट्रोल आणि डिझेलपेक्षा खूपच स्वस्त आहे. त्यामुळे सीएनजी वापरल्यास पैशांची बचत होऊ शकते. दिल्ली, मुंबई, कोलकाता, लखनौ, पुणे, अहमदाबाद, इंदूर इत्यादी अनेक शहरांमध्ये सीएनजीचा मोठ्या प्रमाणावर वापर केला जातो. या ठिकाणी लोक CNG कार वापरतात किंवा त्यांच्या पेट्रोल किंवा डिझेल कारमध्ये CNG किट बसवतात. मात्र, त्यापूर्वी काही गोष्टी जाणून घेणे आवश्यक आहे.

सीएनजी किट बसवण्यापूर्वी अनेक गोष्टी जाणून घेणे अत्यंत आवश्यक आहे. अन्यथा, भविष्यात त्यामुळे बरेच नुकसान होऊ शकते. तुम्ही तुमच्या कारमध्ये सीएनजी किट घेण्याचा विचार करत असाल तर या गोष्टी लक्षात ठेवा.

सर्व सीएनजी किट अस्सल नसतात
आजकाल प्रत्येक गोष्टीची खोटी कॉपी बाजारात सहज उपलब्ध असते. सीएनजी किटचेही असेच होते. बाजारात उपलब्ध असलेले प्रत्येक सीएनजी किट अस्सल असतेच असे नाही. तुमच्या कारमध्ये सीएनजी किट बसवण्यापूर्वी त्याची सत्यता तपासणे महत्त्वाचे आहे. यासाठी नेहमी अधिकृत डीलरकडूनच खरेदी करा.

अनधिकृत डीलरकडून किट बसवून घेऊ नका
काही वाहन मालक स्थानिक डीलर्स आणि कर्मचारी यांच्याकडून त्यांच्या वाहनांमध्ये किट बसवून घेतात. तथापि, खराब दर्जा आणि चुकीच्या फिटिंगमुळे गॅस गळती होण्याची शक्यता असते, ज्यामुळे आग लागण्यासारखे अपघात घडतात.

किट वाहनास सुसंगत असल्याची खात्री करून घ्या
कारमध्ये सीएनजी किट बसवण्यापूर्वी वाहन किटला सपोर्ट करेल की नाही हे जाणून घ्यायला हवे. अनेकदा आपण जुन्या गाडीत सीएनजी किट बसवून घेतो, परंतु, नंतर कारमध्ये अनेक समस्या यायला लागतात.

इंजिनवरील वॉरंटी
शोरूमव्यतिरिक्त बाहेर जाऊन जर आपण सीएनजी किट बसवून घेतली तर कारच्या इंजिनवरील वॉरंटी संपते. यामुळे ग्राहकाचे मोठे नुकसान होऊ शकते.

The post कारमध्ये सीएनजी किट बसवण्याचा विचार करताय? ‘या’ महत्त्वाच्या गोष्टी जाणून घ्या… appeared first on थोडक्यात घडामोडी.

कोरोना संकटानंतर खाजगी वाहनांची गरज अधिक जाणवू लागली आणि देशात कार आणि इतर प्रवासी वाहनांच्या विक्रीत वाढ झाली. आपणही कर्जावर नवीन कार घेण्याचा विचार करत असाल तर आपण बर्‍याच गोष्टी लक्षात घेतल्या पाहिजेत. कर्ज पात्रता, प्रक्रिया शुल्क, व्याज, ईएमआय यासारख्या गोष्टींकडे लक्ष देणे आवश्यक आहे. यामुळे आपल्याला कोणत्याही प्रकारचे निर्णय घेणे सोपे होईल.

तज्ज्ञांचे मत आहे कि, कारचे मॉडेल निवडण्यापूर्वी तुम्हाला कर्जाच्या पात्रतेबद्दल माहिती मिळाली पाहिजे. म्हणजेच आपल्याला किती कर्ज मिळू शकते हे आपल्याला स्पष्टपणे माहित असायला हवं. हे आपल्या पगारावर तसेच कर्जाच्या कालावधीवरही अवलंबून असते. आपण याबद्दल विविध पोर्टलच्या मदतीने माहिती मिळवू शकता. वेगवेगळ्या बँका तुम्हाला पाच वर्ष ते सात वर्षांपर्यंतचे कार लोन देतात. येथे हे लक्षात घ्या की, दीर्घ काळासाठी कार लोन घेतल्यास आपली ईएमआय कमी होते परंतु आपल्या कारची एकूण किंमत वाढते.

कार लोनसाठी अर्ज करण्यापूर्वी या गोष्टी लक्षात घ्या :

1. जर आपण कार कर्जासाठी अर्ज करणार असाल तर सर्व प्रथम ईएमआय म्हणून आपण किती रक्कम देऊ शकता याकडे लक्ष द्या. यासाठी तुम्हाला आधीपासून चालू असलेले एखादे कर्ज तसेच तुमच्या घरातील खर्च, गुंतवणूक अशा गोष्टी लक्षात ठेवायला हव्या. त्या आधारे आपण कारचे मॉडेल निवडू शकता.
2. बँका कोणत्याही प्रकारच्या कर्जावर उत्पन्नाचे स्त्रोत, लिंग आणि क्रेडिट स्कोअर या निकषांवर व्याज आकारतात. जर तुमचा क्रेडिट स्कोअर चांगला असेल तर तुम्हाला कमी व्याज द्यावे लागेल. जर क्रेडिट स्कोर कमी असेल तर आपल्याला उच्च दरासह कर्ज मिळेल. कर्जासाठी अर्ज करण्यापूर्वी आपला क्रेडिट स्कोअर तपासणे आवश्यक आहे.
3. वेगवेगळ्या बँकांकडून कर्जाच्या ऑफरची तुलना करण्याची गरज असते.
4. कर्ज घेताना व्याजदराबरोबरच प्रक्रिया शुल्काचा (प्रोसेसिंग फी) विचार केला पाहिजे. अनेक बँका सणासुदीच्या काळात प्रक्रिया शुल्क (प्रोसेसिंग फी) माफ करतात, परंतु आपण या बाबीकडे लक्ष दिलं पाहिजे की प्रक्रिया शुल्क माफ करण्याच्या बदल्यात बँका आपल्याकडून जास्त व्याज किंवा इतर कोणते शुल्क तर आकारत नाही ना. याखेरीज, फोरक्लोजर चार्जेस आणि प्री-पेमेंट शुल्क या सर्व बाबींची संपूर्ण माहिती मिळवायला हवी.

The post कार लोन घेताय? मग ‘या’ गोष्टी लक्षात ठेवा आणि करा पैशांची मोठी बचत appeared first on थोडक्यात घडामोडी.