पंजाब : काँग्रेसचे ज्येष्ठ नेते नवज्योतसिंग सिद्धू यांनी शुक्रवारी पतियाला येथील न्यायालयात आत्मसमर्पण केले. सर्वोच्च न्यायालयाने 1988 च्या रोड रेज प्रकरणात त्यांना एक वर्षाच्या सश्रम कारावासाची शिक्षा सुनावल्यानंतर एका दिवसानंतर त्यांनी आत्मसमर्पण केले आहे.

सिद्धू यांनी यापूर्वी सर्वोच्च न्यायालयात धाव घेतली होती आणि प्रकृती अस्वास्थ्यामुळे आत्मसमर्पण करण्यासाठी न्यायालयाकडे एक आठवड्याची मुदतवाढ मागितली होती. मात्र, सर्वोच्च न्यायालयाने शुक्रवारी क्युरेटिव्ह याचिकेवर तातडीने सुनावणी करण्यास नकार दिला.

काय आहे संपूर्ण प्रकरण?

• 27 डिसेंबर 1988 रोजी पटियाला येथे पार्किंगवरून सिद्धूचे 65 वर्षीय गुरनाम सिंग यांच्याशी भांडण झाले. यावेळी सिद्धू यांनी त्या वृद्ध व्यक्तीला धक्काबुक्की केली आणि ठोसा मारला. त्यानंतर गुरनाम सिंग यांचा मृत्यू झाला. सिद्धू आणि त्याचा मित्र रुपिंदर सिंग यांच्या विरोधात नकळत हत्या केल्याचा गुन्हा दाखल करण्यात आला होता.
• 1999 मध्ये सत्र न्यायालयाने सिद्धूची पुराव्याअभावी निर्दोष मुक्तता केली होती. याविरोधात पीडित पक्षाने पंजाब आणि हरियाणा उच्च न्यायालयात धाव घेतली.
• 2006 मध्ये उच्च न्यायालयाने सिद्धूला तीन वर्षांचा कारावास आणि एक लाख रुपयांचा दंड ठोठावला होता.
• जानेवारी 2007 मध्ये सिद्धूने न्यायालयात आत्मसमर्पण केले. ज्यामध्ये त्यांची रवानगी तुरुंगात करण्यात आली होती. त्यानंतर सिद्धू सर्वोच्च न्यायालयात गेले.
• 16 मे 2018 रोजी, सुप्रीम कोर्टाने सिद्धूला कलम 304 IPC अंतर्गत निर्दोष हत्येच्या आरोपातून निर्दोष मुक्त केले. तथापि, आयपीसी कलम 323, म्हणजे दुखापत झाल्यास, एक हजाराचा दंड ठोठावला. याविरोधात पीडितेच्या कुटुंबीयांनी सर्वोच्च न्यायालयात पुनर्विचार याचिका दाखल केली होती.
• 19 मे 2022 रोजी सुप्रीम कोर्टाने सिद्धूवरील निर्णय बदलत त्याला 323 IPC नुसार एक वर्षाच्या कारावासाची शिक्षा सुनावली.

The post ब्रेकिंग! नवज्योतसिंग सिद्धू यांचे पतियाला न्यायालयात आत्मसमर्पण appeared first on थोडक्यात घडामोडी.

काँग्रेसचे ज्येष्ठ नेते मोतीलाल वोरा यांचं निधन झालं आहे. ते ९३ वर्षांचे होते. प्रकृती बिघडल्यानं त्यांना रविवारी रात्री उशिरा एस्कॉर्ट रुग्णालयात दाखल करण्यात आलं होतं. त्यांच्यावर उपचार सुरु होते. मात्र आज त्यांचा मृत्यू झाला.

ऑक्टोबर महिन्याच्या सुरुवातीला मोतीलाल वोरा कोरोना पॉझिटिव्ह आढळले होते. परंतु, त्यावर त्यांनी यशस्वीरित्या मात केली होती. मोतीलाल व्होरा यांना मूत्रपिंडाचा त्रास असल्याने त्यांच्यावर दिल्ली येथील फोर्टिस एस्कॉर्ट हॉस्पिटलमध्ये उपचार सुरु होते. मात्र, उपचार सुरु असताना त्यांचे निधन झाले.

मोतीलाल वोरा हे काँग्रेसचे अत्यंत निष्ठावान कार्यकर्ते होते. 1985 साली ते मध्य प्रदेशचे मुख्यमंत्री झाले होते. दीर्घकाळ काँग्रेसच्या कोषाध्यक्षपदाची जबाबदारी त्यांनी निभावली. व्होरा यांच्या निधनामुळे काँग्रेसने एक सच्चा कार्यकर्ता, काँग्रेसच्या विचारधारेशी एकनिष्ठ राहणारा नेता गमावला, असे म्हणत राहुल गांधी यांनी व्होरा यांच्या निधनाबद्दल दु:ख व्यक्त केले.

The post काँग्रेसचे ज्येष्ठ नेते मोतीलाल वोरा यांचं निधन appeared first on थोडक्यात घडामोडी.