कर्नाटक : माणसाने केलेला विकास अनेकदा वन्य प्राण्यांना धोका निर्माण करतो. कर्नाटकातील म्हैसूर जिल्ह्यात अशीच एक घटना घडली. गावकऱ्यांनी पाठलाग केल्यानंतर हत्तींचा कळप कालव्यातून बाहेर पडण्याचा आटोकाट प्रयत्न करत असल्याची घटना सोमवारी घडलेली आहे. या घटनेचा व्हिडिओ समोर आला आहे.

दरम्यान, कालव्यातून बाहेर पडण्यासाठी धडपडत असलेल्या हत्तींच्या व्हिडिओने आता गंभीरपणे विचार करायला भाग पाडले आहे. सोशल मीडिया साइट्सवर मोठ्या प्रमाणावर शेअर केल्या जात असलेल्या व्हिडिओमध्ये, मानवनिर्मित कालव्यातून मार्ग काढण्याच्या प्रयत्नात पाच हत्ती अनेक वेळा घसरताना दिसत आहेत.

भारतीय वन सेवा (IFS) अधिकारी सुसांता नंदा यांनी हा व्हिडिओ ट्विट करत लिहिले की “हत्तींच्या कॉरिडॉरमधील या पायाभूत सुविधा त्यांच्या मर्यादा तपासत आहेत. आम्ही भाग्यवान आहोत की त्यांना नंतर वनविभागाने वाचवले.”

Linear infrastructure in elephant corridors are testing their limits…
These we’re lucky to have been rescued later by Forest Department. pic.twitter.com/pwSP5cJ4KX

— Susanta Nanda IFS (@susantananda3) January 10, 2022

कर्नाटकच्या वन अधिकाऱ्यांनी सांगितले की, सोमवारी सकाळी म्हैसूर जिल्ह्यातील हुन्सूर तालुक्यातील हनागोडू गावात लक्ष्मण तीर्थ नदीच्या कालव्यात ही घटना घडली. गावकऱ्यांनी हत्तींचा पाठलाग केला, मात्र हत्तींचा कळप कालव्यात अडकला होता. येथे पाण्यामुळे आणि निसरड्या किनार्‍यामुळे हत्तींना कालव्यातून बाहेर पडता येत नव्हते. गावकऱ्यांच्या एका गटाने हत्तींचा पाठलाग केला आणि शेवटी अशी जागा मिळाली जेथून हे हत्ती कालवा पार करू शकले. या घटनेत हत्तींना कोणत्याही प्रकारे इजा झाली नाही. कालव्यातून बाहेर पडल्यानंतर हा हत्तींचा कळप नागरहोल व्याघ्र प्रकल्पात प्रवेश करण्यात यशस्वी झाला.

The post मानवनिर्मित कालव्याने वन्य प्राण्यांना धोका, हत्तींच्या कळपाला कालव्यातून बाहेर पडता येईना, घटनेचा व्हिडिओ आला समोर… appeared first on थोडक्यात घडामोडी.

कर्नाटकमध्ये एक अतिशय धक्कादायक प्रकार समोर आला आहे. १५ वर्षांच्या अल्पवयीन मुलीवर पाच महिने १७ जणांकडून बलात्कार आणि लैंगिक अत्याचार करण्यात आले. याप्रकरणी आठ जणांना अटक करण्यात आली आहे. यामध्ये मुलीच्या मावशीचा देखील समावेश आहे. जिल्हा बालकल्याण समिती सभापतींनी ३० जानेवारीला पोलीस ठाण्यात १७ जणांविरोधात बलात्कार आणि लैंगिक अत्याचाराची तक्रार दिल्यानंतर हा गुन्हा दाखल करण्यात आला.

पोलिसांनी दिलेल्या माहितीनुसार, पीडित मुलगी दगड फोडणाऱ्या युनिटमध्ये काम करत होती, त्यावेळी गिरीश नावाच्या एका बसचालकासोबत ओळख झाली. त्याने तिच्यावर बलात्कार आणि लैंगिक अत्याचार केले. “त्यानंतर त्याने तिचा नंबर अभी नावाच्या आरोपीला दिला. त्यानेही तिच्यावर बलात्कार केला. अभीने पीडितेचे फोटो, व्हिडीओ काढले आणि ब्लॅकमेल देखील  केलं. नंतर त्याच्या मित्रांनीही पीडितेवर बलात्कार केला.”

मिळालेल्या माहितीनुसार, पीडित मुलगी तीन वर्षापूर्वी आईचा मृत्यू झाल्यानंतर मावशीसोबत राहत होती. मुलीवर वारंवार होणाऱ्या बलात्काराबद्दल तिला माहिती होतं. पोलिसांनी तिलाही याप्रकरणी अटक केली आहे. सर्व आरोपींची ओळख पातळी असून पोलीस पुढील तपस करत आहेत.

The post भयंकर : १५ वर्षांच्या अल्पवयीन मुलीवर पाच महिने १७ जणांकडून बलात्कार appeared first on थोडक्यात घडामोडी.

कर्नाटक : आयपीएलचे सामने म्हटले की देशभरात सट्टेबाजार मोठ्या प्रमाणात चालतो, परंतू कर्नाटक राज्यातील सट्टेबाजांच्या कारवाईवर नियंत्रण आणण्यासाठी सुरु करण्यात आलेल्या पथकातील पोलीस कर्मचाऱ्याने आपला स्वतःचा सट्टेबाजीचा अड्डा सुरु केला. महत्वाची गोष्ट म्हणजे कर्नाटकातील एका मोठ्या जुगार अड्ड्यावर छापा टाकत पोलिसांनी एका मोठ्या आरोपीला अटक केली. चौकशीदरम्यान या आरोपीने पोलिस कर्मचाऱ्याचं नाव पुढे केलं आणि सगळेच चक्रावले.

आरोपीने दिलेल्या माहितीवरुन पोलिसांनी हेड कॉन्स्टेबल मंजुनाथ याला अटक केली आहे. वरिष्ठ पोलीस अधिकाऱ्यांनी दिलेल्या माहितीनुसार मंजुनाथ गेल्या काही दिवसांपासून स्वतःचा सट्टेबाजीचा अड्डा चालवत होता. सट्टेबाजांवर नियंत्रण ठेवण्यासाठी तयार करण्यात आलेल्या पथकात मंजुनाथ काम करत होता. ज्यावेळी पोलिसांची टीम एका सट्टेबाजीच्या किंवा जुगाराच्या अड्ड्यावर छापा टाकायची त्यावेळी मंजुनाथ तिकडची सर्व कार्यपद्धती समजवून घ्यायचा. याचा फायदा घेत त्याने स्वतःचा जुगार आणि सट्टेबाजीचा अड्डा सुरु केला. आपला स्वतःचा जुगार अड्डा सुरु करण्यासाठी मंजुनाथने अनेक नावाजलेल्या सट्टेबाजांचीही मदत घेतल्याचं समोर येतंय. इतकच नव्हे तर स्थानिक पोलीस अधिकाऱ्यांनाही मंजुनाथने पैसे देवून धाड पडणार असेल तर त्याची माहिती देण्यासाठी ठेवलं होतं. चिक्कबलपुरा जिल्ह्याचे पोलीस अधिक्षक जी.के. मिथुन कुमार यांनी प्रसारमाध्यमांना माहिती दिली.

हेड कॉन्स्टेबल मंजुनाथला तात्काळ निलंबीत करण्यात आलं आहे. मंजुनाथसोबत या सट्टेबाजीत आणखी कोणी पोलीस अधिकारी सहभागी होते का याचा तपास सुरु आहे.

The post चक्रावून सोडणारी घटना, पोलीस अधिकाऱ्याने सुरू केला सट्टेबाजीचा अड्डा.. appeared first on थोडक्यात घडामोडी.

नवी दिल्लीः  केंद्र सरकारने जीएसटी भरपाईचा पहिला हप्ता म्हणून आंध्र प्रदेश, आसाम, बिहार, गोवा, गुजरात, हरियाणा, हिमाचल प्रदेश, कर्नाटक, मध्य प्रदेश, महाराष्ट्र, मेघालय, ओडिशा, तामिळनाडू, त्रिपुरा, उत्तर प्रदेश, उत्तराखंड यांना 6 हजार कोटी रुपयांची रक्कम वितरीत केली.

केंद्र सरकारने जीएसटी भरपाईबाबत गेल्या आठवड्यात विरोधी पक्षांनी केलेली मागणी मान्य केली. केंद्र सरकार आता स्वतः कर्ज घेऊन राज्यांच्या जीएसटीची भरपाई करणार आहे. वित्त मंत्रालयाने म्हटले आहे की, जीएसटी संकलनातील राज्यांची 1.1 लाख कोटी रुपयांच्या भरपाई देण्यासाठी केंद्र सरकार बाजारातून कर्ज घेऊन ती रक्कम राज्यांना हप्त्यांमध्ये देणार आहे.

मोदी सरकारने 2020-21मध्ये जीएसटी संकलनातील तूट दूर करण्यासाठी विशेष कर्जाची व्यवस्था केली आहे. एकूण 21 राज्ये आणि दोन केंद्रशासित प्रदेशांना ही रक्कम दिली जाणार आहे. केंद्रीय अर्थ मंत्रालय कर्जासाठी समन्वय राखणार असून, यातील पाच राज्यांच्या जीएसटी भरपाईमध्ये कोणतीही कपात केलेली नाही.

मंत्रालयाने निवेदनात म्हटले आहे की, “केंद्र सरकारने आज 16 राज्यांना 6,000 कोटी रुपयांचे कर्ज दिले आहे. आंध्र प्रदेश, आसाम, बिहार, गोवा, गुजरात, हरियाणा, हिमाचल प्रदेश, कर्नाटक, मध्य प्रदेश, महाराष्ट्र, मेघालय, ओडिशा, तामिळनाडू, त्रिपुरा, उत्तर प्रदेश, उत्तराखंड अशी ही 16 राज्ये आहेत. या व्यतिरिक्त दिल्ली आणि जम्मू-काश्मीर या दोन केंद्रशासित प्रदेशांनाही निधी हस्तांतरित करण्यात आला आहे. “निवेदनानुसार हे कर्ज 5.19 टक्के व्याजावर घेतले जाते आणि त्याचा कार्यकाळ 3 ते 5 वर्षांसाठी आहे. ते दर आठवड्याला राज्यांना 6,000 कोटी रुपये देणार आहेत. या व्यवस्थेचा केंद्राच्या वित्तीय तुटीवर परिणाम होणार नाही. तसेच राज्य सरकारच्या भांडवली नफ्यातही ते दिसून येईल, असं वित्त मंत्रालयाने म्हटले आहे.

The post जीएसटी भरपाईचा पहिला हप्ता वर्ग; केंद्राकडून १६ राज्यांना 6000 कोटी रुपये जारी appeared first on थोडक्यात घडामोडी.