नवी दिल्ली : एलपीजी सिलिंडरसंदर्भात लोकांच्या मनात अनेक गैरसमज आहेत. त्यातच गॅस सिलिंडर सबसिडीबद्दल बर्‍याच लोकांचा असा विश्वास आहे की सरकारने सबसिडी बंद केली आहे. अनेकजण म्हणतात की आता त्यांच्या खात्यात अनुदानाचे पैसे येत नाहीत. एलपीजी सिलिंडरवर लोकांना मिळणाऱ्या सबसिडीबद्दल निर्माण झालेले प्रश्न आता सोशल मीडियावरही पाहायला मिळत आहेत. जर तुम्हीही अशाच काही प्रश्नांमध्ये गोंधळलेले असाल, तर याबद्दल जाणून घेऊया…

सरकारकडून स्पष्ट करण्यात आलेले आहे की सरकारने अनुदान बंद केलेले नाही, ते अजूनही चालू आहे, आणि लाभार्थी त्याचा लाभ घेत आहेत. अनुदानासंदर्भात, दिल्लीचे ग्राहक सीएल शर्मा यांनी पेट्रोलियम आणि नैसर्गिक वायू विभागाला टॅग करून ट्विट केले आणि त्यात गॅस एजन्सीची स्लिप जोडून विचारले की “आम्ही पुन्हा एकदा जाणून घेऊ इच्छितो की मोदी सरकारने एलपीजी वरील सबसिडी बंद केली आहे का? कारण गेल्या 18 महिन्यात सबसिडीचा एक पैसाही आमच्या खात्यात आलेला नाही, तथापि, गॅस एजन्सी वाउचरवर 859 रुपये यासह सबसिडीचे सिलिंडर असे लिहिते.

ग्राहकाच्या या प्रश्‍नाला सरकारने ट्विट करून उत्तर दिले आणि म्हटले की, प्रिय ग्राहक नोट करा – सबसिडी बंद केली गेलेली नाही. सध्या घरगुती एलपीजी गॅसवरील सबसिडी प्रचलित आहे आणि ती वेगवेगळ्या बाजारात वेगवेगळी उपलब्ध आहे. ही योजना 2014 नुसार सुरु असून, ‘अनुदानित सिलेंडरची किंमत’ आणि ‘विनाअनुदानित सिलेंडरची बाजारात निर्धारित किंमत’ यातील जो फरक असतो, त्यानुसार एखाद्या बाजारासाठी अनुदानाची रक्कम निश्चित केली जाते. याचा अर्थ यातील फरक ० रुपये असल्यास अनुदानाची रक्कम मिळत नाही.

प्रिय ग्राहक नोट करें: सब्सिडि समाप्त नहीं की गई है बल्कि वर्तमान में भी घरेलू एलपीजी गैस पर सब्सिडी प्रचलन में है और यह अलग-अलग बाजारों में अलग-अलग होती है। पहल (डीबीटीएल) योजना 2014 के अनुसार किसी बाजार के लिए सब्सिडी की राशि ‘सब्सिडी वाले सिलेंडर की कीमत’ और ‘गैर-सब्सिडी 1/4

— MoPNG e-Seva (@MoPNG_eSeva) August 25, 2021

तुम्ही तुमची सबसिडी सोडून देण्यासाठी अर्ज केला असेल, तर तुम्हाला एलपीजी सिलिंडरवर सबसिडी मिळत नाही. याशिवाय आधार कार्ड लिंक नसले, तरी सबसिडी बंद केली जाते. एलपीजीची सबसिडी सर्व राज्यांमध्ये वेगळ्या पद्धतीने निश्चित करण्यात आली आहे. ज्या कुटुंबाचे वार्षिक उत्पन्न 10 लाखांपेक्षा जास्त आहे, त्यांना सबसिडीचा लाभ मिळत नाही, परंतु यापेक्षा कमी कमाई करणारे लोक अनुदानासाठी अर्ज करू शकतात.

गॅस सिलेंडर सबसिडीचा लाभ मिळत नसेल तर काय करावे? जाणून घ्या…

The post गॅस सिलिंडरवर मिळणाऱ्या सबसिडीबद्दल ग्राहकाने विचारला प्रश्न, सरकारने दिले ‘हे’ उत्तर… appeared first on थोडक्यात घडामोडी.

मुंबई : एलपीजी सिलिंडर रिफिल केल्यांतर त्याची घरपोच डिलिव्हरी होण्यासाठी आता ग्राहक आपल्या सोईनुसार वितरक निवडू शकतील. त्यामुळे ग्राहकांना कमी वेळेत लवकर सिलिंडर मिळण्यास मदत होईल. पेट्रोलियम आणि नैसर्गिक वायू मंत्रालय लवकरच नवी सुविधा सुरु करणार आहे. या सुविधेचे नाव डिजिटल एलपीजी पोर्टेबिलिटी असे आहे. या सुविधेनुसार ग्राहक आपल्या सोईनुसार एपीजी सिलिंडर वितरक निवडू शकतील.

या सुविधेमध्ये डिजिटल एलपीजी पोर्टेबिलिटीद्वारे ग्राहक आपल्या मोबाईल APP किंवा पोर्टलच्या माध्यमातून लॉगीन करुन आपल्या सुविधेनुसार डिस्ट्रिब्यूटर निवडू शकतील. त्यासाठी सर्व डिस्ट्रिब्यूटर्सच्या रेटिंग्स आपल्यासमोर असतील. पहिल्या टप्प्यात ही सुविधा चंदिगड, कोयंबतूर, गुरगाव, पुणे आणि रांची या शहरात सुरु करण्यात येणार आहे. त्यानंतर या योजनेचा विस्तार इतर ठिकाणी केला जाईल.

या सुविधेमुळे ग्राहकांना कमी वेळेत सिलिंडर मिळण्यास मदत होईल. तसेच दुसऱ्या बाजूने जास्तीत जास्त ग्राहक मिळावेत म्हणून वितरकसुद्धा सर्वोत्तम सेवा देण्यासाठी तसेच चांगले रेटिंग मिळावेत म्हणून प्रयत्न करतील. याच कारणामुळे आगामी काळात वितरकांमध्ये स्पर्धा सुरु होणार आहे.

The post मोठी बातमी : गॅस सिलिंडर भरणे होणार सोपे, आता हवा तो वितरक निवडता येणार, जाणून घ्या या सुविधेविषयी.. appeared first on थोडक्यात घडामोडी.

आजकालच्या दैनंदिन जीवनात एलपीजी सिलिंडर ही आपली एक मूलभूत गरज बनली आहे. विशेषत: शहरांमध्ये राहणारे लोक स्वयंपाकासाठी पूर्णपणे एलपीजी सिलिंडरवर अवलंबून आहेत. अशा परिस्थितीत, अचानक रात्री किंवा धावपळीच्या वेळी सिलिंडर संपल्यास तो भरण्यासाठी आपल्याकडे वेळ नसतो आणि त्यामुळे आपल्यासमोर अडचण निर्माण होते. अशी परिस्थिती टाळण्यासाठी आपण आज एक उपाय जाणून घेऊ. त्यामुळे आपल्या सिलिंडरमध्ये किती गॅस शिल्लक आहे? हे आपल्याला आधीच माहित होऊ शकेल आणि त्यानुसार आपण नवीन सिलेंडर बुक करू शकता.

आपल्या सिलिंडरमध्ये किती गॅस शिल्लक आहे, हे शोधण्यासाठी प्रथम एक कापड पाण्यात भिजवून ओलं करून घ्या. आता या ओल्या कपड्याने सिलिंडरवर एक जाड रेषा काढा. यानंतर काही मिनिटे वाट बघा. आता आपल्या सिलिंडरचा जो भाग रिकामा असेल, तो भाग लवकर कोरडा होईल आणि जिथे गॅस शिल्लक आहे त्या भागावरील पाणी उशीरा कोरडे होईल. अशा प्रकारे आपण आपल्या सिलेंडरमध्ये गॅसचे प्रमाण किती आहे, हे सहजपणे शोधू शकता.

वास्तविक, सिलिंडरचा मोकळा भाग गरम असतो, म्हणून रिक्त भागातील पाणी लवकर कोरडे होते आणि गॅसने ​​भरलेला भाग त्यामानाने थंड असतो, त्यामुळे त्या भागातील पाणी उशीरा कोरडे होते. ही पद्धत आपल्याला किती गॅस शिल्लक आहे, हे समजण्यासाठी मदत करू शकते. तथापि, सिलेंडरमध्ये उरलेल्या गॅसचे प्रमाण समजण्याचा दुसरा उपायदेखील आहे, सिलेंडरचे वजन करून देखील आपण हे निश्चित करू शकतो.

The post काही मिनिटात कळेल सिलिंडरमध्ये किती गॅस शिल्लक आहे, वापरा ‘ही’ सोपी पद्धत appeared first on थोडक्यात घडामोडी.