पुणे : पुणे दहशतवादी विरोधी पथकाने दापोडी परिसरातून आज एका तरुणाला अटक केली. जुनेद मोहम्मद (वय 28) असे तरुणाचे नाव आहे. हा तरुण जम्मू काश्मीरमधील एका अतिरेकी संघटनेच्या संपर्कात होता. राज्यात घातपाती कृत्यांसाठी काश्मीरमधील अतिरेकी संघटनेकडून या तरुणाला पैसे पुरवण्यात आले, असा आरोप त्याच्यावर आहे.

पुणे एटीएसने दिलेल्या माहितीनूसार, गझवाते अल हिंद या काश्मीरमधील अतिरेकी संघटनेने महिनाभरापुर्वीच या तरुणाच्या बँक खात्यात दहा हजार रुपये जमा केले होते. सोशल मीडियाच्या माध्यमातून तो या संघटनेच्या संपर्कात आला होता. दहशतवादी कृत्यांसाठीच हे फंडिग करण्यात आल्याचा एटीएसचा आरोप आहे. आरोपीला पुणे न्यायालयात आज दुपारी २ वाजता हजर करण्यात येणार आहे. अधिक चौकशीसाठी एटीएसकडून त्याची कोठडी मागण्यात येणार आहे.

अटक केलेला आरोपी जुनेद मोहम्मद हा बेरोजगार आहे. सोशल मीडियाच्या माध्यमातून तो जम्मू काश्मीरमधील दहशतवादी संघटनेच्या संपर्कात आला होता. त्यानंतर राज्यात घातपाती कारवायांसाठी काश्मीरमधील एका संघटनेने त्याला महिनाभरापुर्वी 10 हजार रुपये पाठवले होते. त्याच्या बँक खात्यात हे पैसे टाकण्यात आले होते. काही दिवसांपासून एटीएस आरोपीच्या मागावर होते. अखेर आज त्याला ताब्यात घेण्यात आले आहे.

The post ब्रेकिंग! दहशतवादी संघटनेच्या संपर्कातील तरुणाला पुण्यातून अटक, एटीएसने उधळला घातपाताचा कट appeared first on थोडक्यात घडामोडी.

मुंबई : मनसुख हिरेन यांच्या संशयास्पद मृत्यू प्रकरणाचा तपास दहशतवादविरोधी पथकाकडे (एटीएस) देण्यात आला आहे. एटीएसने हिरेन यांच्या मृत्यूप्रकरणात हत्येचा गुन्हा दाखल केला आहे. आज महाराष्ट्र एटीएसचं पथक मनसुख हिरेन यांच्या घरी चौकशीसाठी दाखल झालं होतं. त्यावेळी मनसुख हिरेन यांच्या पत्नी विमला हिरेन यांच्या फिर्यादीवरुन हत्येचा गुन्हा दाखल करण्यात आला आहे.

आज एटीएसच्या पथकाने मनसुख हिरेन यांच्या घरी जाऊन त्यांच्या कुटुंबियांचे जबाब नोंदवले. यावेळी ही आत्महत्या नसून हत्या असल्याचा आरोप कुटुंबियांनी केला. तसेच या प्रकरणी हत्येचा गुन्हा दाखल करण्याची मागणी मनसुख हिरेन यांच्या मुलानं केली. या प्रकरणी अपघाती मृत्यूची नोंद करण्यात आली होती. परंतु, आता याप्रकरणी कुटुंबियांच्या वतीनं हत्येचा गुन्हा दाखल करण्यात येणार आहे. दरम्यान, एटीएसच्या पथकानं मनसुख हिरेन यांच्या घरी तब्बल साडेतीन तास चौकशी केली.

गृहमंत्री अनिल देशमुख यांनी या प्रकरणाचा तपास एटीएसकडे सोपवल्याची माहिती दिली. त्यानंतर एटीएसने याप्रकरणाचा तपास सुरु करत ज्या ठिकाणी मनसुख हिरेन यांचा मृतदेह आढळला होता, त्याठिकाणी जाऊन घटनास्थळाची पाहणी केली. एटीएसचं पथक संपूर्ण परिसरातील cctv फुटेज देखील तपासात आहे.

The post मनसुख हिरेन मृत्यू प्रकरणी एटीएसने दाखल केला हत्येचा गुन्हा, तपासाला वेग appeared first on थोडक्यात घडामोडी.