मुंबई : महाराष्ट्राचे माजी गृहमंत्री अनिल देशमुख यांना आर्थिक गैरव्यवहारप्रकरणी मुंबईच्या विशेष न्यायालयाने 14 दिवसांची न्यायालयीन कोठडी सुनावली. तसेच, तुरुंगात घरचं जेवण मिळावं, यासाठी देशमुखांनी केलेला अर्ज न्यायालयाने फेटाळला आहे. मात्र, त्यांना बेड आणि औषधं पुरवण्याचे निर्देश दिले आहेत. पुढील काही दिवस तुरुंगातील जेवण घ्या, योग्य वाटलं नाही तर विचार करु, असं न्यायालयाने सांगितलं. त्यामुळे सध्यातरी अनिल देशमुख यांना इतर कैद्याप्रमाणे तुरुंगातील जेवण घ्यावे लागणार आहे.

दोन नोव्हेंबर रोजी अनिल देशमुख ईडी कार्यालयात हजर झाल्यानंतर त्यांना अटक करण्यात आली होती. त्यांची चौकशी सुरु असून सोमवारी अनिल देशमुख यांना विशेष न्यायालयात हजर करण्यात आलं होतं. त्यावेळी कोर्टानं त्यांना 29 नोव्हेंबरपर्यंत न्यायालयीन कोठडी सुनावली आहे. अनिल देशमुख यांच्या वतीने ॲड. अनिकेत निकम यांनी न्यायालयात बाजू मांडली. तर सरकारी वकील हितेन वेणेगावकर यांनी ईडीकडून युक्तीवाद केला. सुनावणी दरम्यान अनिल देशमुख यांनी प्रकृतीचं कारण देत घरच्या जेवणाची मागणी केली होती. न्यायालयाने देशमुखांची ही मागणी फेटाळत देशमुखांना फटकारलं. आधी तुरुंगातील जेवण खा, ते योग्य नसल्यास विचार करू, असं न्यायालयाने सांगितलं. अनिल देशमुख यांनी प्रकृतीचं कारण दिल्यामुळे न्यायालयाने देशमुखांना तुरुंगात स्वतंत्र बेड ठेवण्याची परवानगी दिली आहे. अनिल देशमुख यांना तुरुंगातील जेवणामुळे काही समस्या उद्भवल्यास घरच्या जेवणासाठी अर्ज करावा, असं न्यायालयाने सांगितलं.

The post सध्या तुरुंगातील जेवण घ्या…, न्यायालयाने फेटाळली देशमुखांची मागणी appeared first on थोडक्यात घडामोडी.

मुंबई : अभिनेत्री यामी गौतम विरोधात सक्तवसूली संचलनालयाने (ED) समन्स जारी केले आहे. परकीय चलन व्यवस्थापन अधिनियम कायद्याअंतर्गत तिची चौकशी केली जाणार आहे. ईडीला संशय आहे की यामीने काहीतरी आर्थिक गैरव्यवहार केला आहे. या प्रकरणी यामी विरोधात हे दुसरं समन्स जारी करण्यात आलं आहे. यावेळी जर ती चौकशीसाठी हजर राहिली नाही, तर तिला अटक होण्याची शक्यता वर्तवण्यात येत आहे.

परकीय चलन व्यवस्थापन कायद्याचे (फेमा) उल्लंघन केल्याच्या आरोपात यामीला शुक्रवारी अंमलबजावणी संचालनालयाने (ईडी) समन्स पाठवले आहे. एजन्सीने यामीला फेमा अंतर्गत कथित अनियमिततेसंदर्भात आपला जबाब नोंदवण्यासाठी पुढच्या आठवड्यात त्यांच्यासमोर हजर राहण्यास सांगितले आहे. अधिकाऱ्यांनी सांगितले की यामी गौतमला तिच्या खासगी बँक खात्यात 1.5 कोटी मिळाले आहेत, ज्याबाबत तिने स्पष्टीकरण दिलेले नाही. तिला 7 जुलै रोजी चौकशीसाठी बोलावण्यात आले आहे.

अलीकडेच आदित्य धरसोबत यामी गौतमचे लग्न झाले. यामीला एजन्सीने समन्स बजावण्याची ही दुसरी वेळ आहे. गेल्या वर्षी तिला प्रथम समन्स बजावण्यात आले होते, परंतु त्यावेळी कोरोना निर्बंधांमुळे ती ईडी कार्यालयात जाऊ शकली नव्हती.

The post यामी गौतमच्या अडचणीत वाढ, आर्थिक गैरव्यवहारप्रकरणी ED ने पाठवले समन्स appeared first on थोडक्यात घडामोडी.