नवी दिल्ली : भारत आणि युरोपियन युनियन (EU) मध्ये लसीच्या ग्रीन पासबाबत सध्या वाद सुरु आहे. दरम्यान, गुरुवारी युरोपमधील 8 देशांनी कोविशील्डला ग्रीन पास देऊन मान्यताप्राप्त लसींच्या यादीमध्ये समाविष्ट केले आहे. याचा अर्थ या देशांमध्ये कोविशील्डचे दोन्ही डोस घेत असलेल्या भारतीयांना कोरोना नियमांमधून सूट देण्यात येईल.

मीडिया रिपोर्टनुसार, मान्यता देणार्‍या देशांमध्ये जर्मनी, स्लोव्हेनिया, ऑस्ट्रिया, ग्रीस, आइसलँड, आयर्लंड, स्पेन आणि स्वित्झर्लंडचा समावेश आहे. यापूर्वी बुधवारी भारताने युरोपला इशारा दिला होता. युरोपियन देशांच्या मेडिकल एजन्सीने (EMA) ग्रीन पासमध्ये कोविशील्ड आणि कोव्हॅक्सिनचा समावेश केला नाही, तर भारतदेखील या देशांचे लसीचे प्रमाणपत्रही स्वीकारणार नाही, असे भारताने स्पष्टपणे सांगितले होते. अशा परिस्थितीत युरोपियन देशांच्या नागरिकांनाही भारतात विलगीकरणात ठेवण्यात येईल.

युरोपियन युनियनने आपल्या ‘ग्रीन पास’ योजनेंतर्गत प्रवासी निर्बंध कमी केले आहेत. युरोपियन युनियनच्या 27 सदस्य देशांना कोविशील्ड आणि कोव्हॅक्सिनची लस घेतलेल्या भारतीयांना युरोप प्रवास करण्यास परवानगी देण्याबाबत स्वतंत्रपणे विचार करण्याचे आवाहन भारताने केले होते.

युरोपियन युनियनची डिजिटल कोविड प्रमाणपत्र योजना ‘ग्रीन पास’ १ जुलैपासून लागू झाली आहे. त्याअंतर्गत कोरोना साथीच्या वेळी नोंदणीकृत लस घेतलेल्यास ग्रीन पास असलेल्या देशांमध्ये जाण्याची परवानगी दिली जाईल. भारताने युरोपियन वैद्यकीय एजन्सीला सांगितले आहे की भारतात लसीकरण केलेल्या लोकांच्या प्रमाणपत्रांची पडताळणी कोविन पोर्टलवर करता येईल. भारताने म्हटले आहे की भारतात देखील ग्रीन पास घेऊन येणाऱ्यांना विलगीकरणातून सूट दिली जाईल.

The post मोठी बातमी! भारताने दिलेल्या ‘त्या’ इशाऱ्यानंतर 8 युरोपियन देशांमध्ये कोविशील्डला ग्रीन पास appeared first on थोडक्यात घडामोडी.

वॉटरफोर्ड : तीन महिन्यांची मुलगी झोपलेली असताना कुत्र्याने तिच्यावर जीवघेणा हल्ला केला. या हल्ल्यात या निष्पाप बाळाने जीव गमावला आहे. आयर्लंड येथे वॉटरफोर्डमधील एका गावात ही घटना घडली. या भयंकर घटनेनंतर संपूर्ण परिसरात खळबळ उडाली आहे. पोलिस या प्रकरणाचा तपास करत आहेत.

द सनच्या वृत्तानुसार, वॉटरफोर्डमधील एका गावात सोमवारी ही घटना घडली. बाळ बेडरूममध्ये झोपलेलं होतं, त्यावेळी अचानक कुत्र्याने या बाळावर हल्ला केला. कुत्र्याने या बाळाचे लचके तोडल्याने बाळ गंभीर जखमी झाले. त्यानंतर या बाळाला तातडीने क्रोक विद्यापीठ रुग्णालयात दाखल करण्यात आले, तेथील कर्मचार्‍यांना अगोदरच घटनेची माहिती देऊन सतर्क करण्यात आले होते. परंतु, सर्व प्रयत्न करूनही या बाळाचा जीव वाचवता आला नाही आणि पहाटे ३ वाजता तिला मृत घोषित करण्यात आले.

तीन भावंडं आणि पाळीव कुत्र्याचा कालव्यात बुडून मृत्यू, एक फोन आल्याने अनर्थ घडला…

या अपघातानंतर बाळाची आई विचलित झाली असून संपूर्ण कुटुंबाला मोठा धक्का बसला आहे. जवळचे नातेवाईक त्यांना धीर देत आहेत. बाळाचे पोस्टमार्टम करण्यात येणार आहे. घटनेनंतर पोलिसांनी फॉरेन्सिक पुरावे गोळा करण्यासाठी घर सील केले असून आजूबाजूच्या लोकांची चौकशी सुरु आहे. दरम्यान, या घटनेनंतर स्थानिक लोकदेखील घाबरले आहेत.

The post थरकाप! झोपलेल्या तीन महिन्यांच्या बाळाचे कुत्र्याने तोडले लचके… appeared first on थोडक्यात घडामोडी.