नवी दिल्ली : बेकायदेशीर ऑनलाइन बेटिंग अ‍ॅप प्रकरणातील मनी लाँडरिंग चौकशीच्या संदर्भात अंमलबजावणी संचालनालयाने (ईडी) माजी भारतीय क्रिकेटपटू सुरेश रैना आणि शिखर धवन यांच्या मालमत्ता जप्त केल्या आहेत, अशी माहिती अधिकाऱ्यांनी दिली.

ईडीने मनी लाँडरिंग प्रतिबंधक कायदा (PMLA) अंतर्गत या दोघांच्या एकूण ११.१४ कोटी रुपयांच्या मालमत्ता जप्त केल्या आहेत. या कारवाईचा संबंध ‘1xBet’ नावाच्या बेकायदेशीर ऑनलाइन बेटिंग साइटशी असल्याचे सांगितले जात आहे.

चौकशीनंतर ईडीने जारी केलेल्या आदेशानुसार, शिखर धवन यांची अंदाजे ४.५ कोटी रुपयांची स्थावर मालमत्ता, तर सुरेश रैना यांचा सुमारे ६.६४ कोटी रुपयांचा म्युच्युअल फंड जप्त करण्यात आला आहे.

ईडीच्या प्राथमिक चौकशीत या बेटिंग साइटद्वारे देशांतर्गत आणि आंतरराष्ट्रीय स्तरावर मोठ्या प्रमाणात आर्थिक व्यवहार झाले असल्याचे समोर आले आहे. संबंधित सर्व व्यवहारांचा मागोवा घेण्यासाठी पुढील तपास सुरू असल्याचे एजन्सीने सांगितले.

The post सुरेश रैना व शिखर धवन यांची ११.१४ कोटी रुपयांची मालमत्ता जप्त, बेकायदेशीर बेटिंग अ‍ॅप प्रकरणात ईडीची कारवाई appeared first on थोडक्यात घडामोडी.

वाशिम : शिवसेना खासदार भावना गवळींच्या ५ शिक्षण संस्थांवर ईडीने कारवाई केली आहे. वाशिम जिल्ह्यातील एकूण नऊ ठिकाणी अंमलबजावणी संचालनालयाने (ED) छापे टाकल्याची माहिती मिळत आहे. त्यात भावना गवळींच्या पाचही शिक्षण संस्थांच्या अधिकाऱ्यांची ईडीकडून चौकशी सुरु असून या ठिकाणी कागदपत्रांची पडताळणी करण्यात येत आहे.

यवतमाळ-वाशिमच्या खासदार असलेल्या गवळींच्या ५ संस्थांवर ईडीने छापे टाकले आहेत. भाजपा नेते किरीट सोमय्या यांनी आरोप केला होता की भावना गवळी यांनी आपल्या खासदारकीच्या २२ वर्षांच्या कारकिर्दीत तब्बल १०० कोटींचा घोटाळा केला आहे. आपल्याकडे सबळ पुरावे असून ईडी, सीबीआय, सहकार मंत्री, आयकर विभाग यांसह अन्य ठिकाणी तक्रारी करण्यात आल्याची माहिती २० ऑगस्ट रोजी वाशिम येथे घेतलेल्या पत्रकार परिषदेते किरीट सोमय्या यांनी दिली होती.

Shivsena MP Bhavna Gavli ₹100 Crore FRAUD. ₹18 Crore CASH withdrawal, ₹7 Crore CASH in Office, Cheated NCDC & SBI

today met

MOS Finance ( Banking) Dr Karad,

MOS Finance ( Revenue.. Income Tax) Pankaj Chaudhary

MOS Cooperation ( NCDC) B L Verma.

Expecting Quick Actions pic.twitter.com/sw0naiIU1n

— Kirit Somaiya (@KiritSomaiya) August 26, 2021

कोण आहेत भावना गवळी?

भावना गवळी विदर्भातील शिवसेनेच्या नेत्या आहेत. आतापर्यंत त्या पाच वेळा यवतमाळ वाशिम मतदारसंघातून विजयी झाल्या आहेत. भावना गवळी यांनी वयाच्या २४ व्या वर्षी लोकसभेत प्रवेश केला. त्यांनी २००४, २००९, २०१४ आणि २०१९ असा सलग पाचवेळा लोकसभेत विजय मिळवला. माजी खासदार दिवंगत पुंडलिकराव गवळी यांच्या त्या सर्वात लहान मुलगी आहेत.

The post मोठी बातमी! शिवसेना खासदार भावना गवळींच्या ५ शिक्षण संस्थांवर ईडीने टाकले छापे appeared first on थोडक्यात घडामोडी.

मुंबई : अंमलबजावणी संचालनालयाने (ED) शुक्रवारी (2 जुलै) अभिनेता डिनो मोरिया, काँग्रेसचे दिवंगत नेते अहमद पटेल यांचे जावई, संजय खान आणि डीजे अकील यांची संपत्ती जप्त केली आहे. बँक घोटाळा आणि मनी लॉण्ड्रिंग प्रकरणात ईडीने ही कारवाई केली आहे.

पीएमएलए कायद्याअंतर्गत या चार जणांची संपत्ती जप्त करण्याचे सुरुवातीचे आदेश दिल्याचे ईडीने सांगितले. संपत्तीची एकूण किंमत 8.79 कोटी रुपये असल्याचं ईडीने आपल्या पत्रकार परिषदेत सांगितलं. यात आठ मालमत्ता, तीन वाहनं आणि इतर बँक अकाऊंट्स, शेअर्स/म्युचल फंड यांचा समावेश आहे. जप्त केलेल्या संपत्तीपैकी तीन कोटी रुपयांची मालमत्ता संजय खान यांची आहे. डिनो मोरियाची संपत्ती 1.4 कोटी रुपये आहे आणि डिजे अकीलची संपत्ती 1.98 कोटी रुपये आहे. तर अहमद पटेल यांचे जावई इरफान अहमद सिद्दिकी यांची संपत्ती 2.41 कोटी रुपयांची आहे.

The post ED ची कारवाई, दिवंगत नेते अहमद पटेल यांचे जावई आणि डिनो मोरिया यांची संपत्ती जप्त appeared first on थोडक्यात घडामोडी.