अंडी अतिशय लोकप्रिय आणि पौष्टिक अन्न आहे. अंडी जीवनसत्त्वे, खनिजे, अँटिऑक्सिडंट्स, प्रथिने आणि चरबीने समृद्ध असतात. अंडी परवडणारी आणि सहज उपलब्ध आहेत, बरेच लोक नियमितपणे किंवा अगदी दररोज अंडी खातात. परंतु, अंडी खाताना काही महत्वाच्या गोष्टींकडे लक्ष देणे आवश्यक असते. अंडी खाताना योग्य ती काळजी घेतल्यास शरीराला त्यातून अनेक फायदे मिळण्यास मदत होते.

अंड्यांसोबत ‘या’ गोष्टी खाणे टाळा

अंड्यांसोबत आंबट पदार्थांचे सेवन
अंड्यांवर लिंबू, चाट मसाला, आमचूर पावडर टाकून खाल्ल्यास ते नक्कीच चवदार लागते, पण ते आरोग्यासाठी चांगले नाही. अंड्यांसोबत आंबट पदार्थ खाल्ल्याने हृदयविकाराचा झटका आणि हृदयाशी संबंधित अनेक गंभीर आजारांचा धोका वाढतो.

अंडी आणि पनीर
अंडी आणि पनीर हे दोन्ही प्रथिनांचे (protein) उत्कृष्ट स्रोत आहेत, परंतु दोन्हींचे एकत्र सेवन केल्याने तुमची पचनक्रिया बिघडू शकते. त्यामुळे लूज मोशन किंवा बद्धकोष्ठता, गॅस आणि ऍसिडिटीसारख्या समस्या उद्भवू शकतात.

अंडी आणि केळी
आपण बॉडी बनवण्यासाठी अंडी आणि त्यानंतर लगेच केळी खात असाल, तर ही सवय बदला. कारण त्यामुळे गॅस तर निर्माण होतोच, पण आतड्यांसंबंधीच्या समस्यांनाही सामोरे जावे लागू शकते.

अंडी आणि चहा
अंड्यासह चहा पिण्याची चूक करू नका, कारण त्यामुळे बद्धकोष्ठतेचा त्रास सहन करावा लागू शकतो, तसेच पचनक्रिया बिघडून अनेक दिवस त्रास होऊ शकतो. त्यामुळे अंडी आणि चहा या दोन्हींचे कॉम्बिनेशन चांगले नाही.

उकडलेली अंडी आणि मासे
उकडलेली अंडी आणि मासे एकत्र खाल्ल्यामुळे त्वचेची ऍलर्जी होऊ शकते. ही ऍलर्जी धोकादायक रूप देखील घेऊ शकते, त्यामुळे हे कॉम्बिनेशन खाणे टाळा.

The post अंड्यांसोबत ‘या’ गोष्टी खाणे प्रकृतीला हानिकारक, जाणून घ्या आणि काळजी घ्या… appeared first on थोडक्यात घडामोडी.

पुणे : थंडीच्या दिवसांमध्ये अंड्यांची मागणी वाढते. अंडी प्रथिनांचा उत्तम स्रोत असण्यासोबतच ती शरीराला उबदार देखील ठेवतात. बरेच लोक दररोज अंडी खातात. प्रत्येकाच्या आरोग्यासाठी अंडे हे अत्यंत लाभदायक मानले जाते. पण जर अंडी ताजी व चांगली नसतील तर यामुळे आपल्या आरोग्यावर घातक परिणाम होऊ शकतात. अशा परिस्थितीत खराब झालेली अंडी कशी ओळखता येतील? तसेच अंडी फ्रीजमध्ये किती दिवस टिकतात हे तुम्हाला माहित आहे का? चला तर जाणून घेऊया काही महत्वाच्या टिप्स…

अंडी किती दिवस टिकतात?
अंडी फ्रीजमध्ये ठेवल्यास सुमारे एक महिना चांगली राहतात. तर बाहेर ठेवल्यास 7 दिवस चांगली राहतात. पण दुकानामध्ये किती दिवसांपासून अंडी ठेवलेली होती? आणि ती कधी खराब होतील हे समजणे थोडे कठीण असते. त्यासाठी आपण काही ट्रिक्स वापरून त्याची गुणवत्ता तपासू शकतो.

अशाप्रकारे ओळखा अंडी ताजी आहेत की शिळी

फ्लोटिंग टेस्ट : अंडी ताजी आहेत की नाही हे जाणून घेण्यासाठी अंड्याची फ्लोटिंग टेस्ट करावी लागते. अंडे थंड पाण्याच्या भांड्यात ठेवा, जर अंडे पाण्यात तळाशी आडवे पडून राहिले तर ते ताजे आहे. जर अंडे खाली जाऊन सरळ उभे राहिले तर ते अंडे काही दिवस जुने आहे परंतु ते खाण्यायोग्य आहे. परंतु, जर अंडे पाण्यात तरंगत असेल तर ते फेकून देणेच चांगले. तरंगणारी अंडी खूपच जुनी असतात. अंडे जुने व शिळे असेल तर त्याच्या आतमध्ये हवेची पिशवी बनते ज्यामुळे ते पाण्यावर तरंगते.

कॅंडल किंवा टॉर्च वापरा : अंडी ताजी आहेत की जुनी हे पाहण्यासाठी आपण कॅंडल किंवा टॉर्च देखील वापरू शकता. यासाठी अंधा-या खोलीत मेणबत्ती किंवा फ्लॅश लाईट खाली अंडे पकडा आणि ते उजव्या बाजूने डावीकडे फिरवा. जर अंड्याच्या आत पिवळा बलक आणि त्याच्या आत हवेची पिशवी तयार झालेली दिसली हवेची पिशवी जर मोठी असेल तर अंड खराब व जुनं आहे. पण ही पिशवी जर आकाराने छोटी असेल तर अंड ताजं व चांगलं आहे.

अंड्यांचा वास : अंडी ताजी व चांगली आहेत का? हे वास घेऊन देखील ओळखता येते. आपण शिजवलेली किंवा कच्ची दोन्ही पद्धतीच्या अंड्यांचा वास घेऊन तपासू शकता. अंडे फोडून एका प्लेटमध्ये घ्या. त्यानंतर त्याचा वास कसा येतो ते बघा, वास ठीक असल्यास त्याचे सेवन करू शकता. पण त्यातून घाण वास आला तर ते tatkal फेकून द्या.

नीट निरीक्षण करा : अंडे बाहेरून नीट पाहा की त्याच्या कवचातून पावडर तर पडत नाही ना? किंवा कुठे छिद्र तर नाही ना? असं बॅक्टेरियामुळे होऊ शकतं. असं वाटल्यास एका वाटीत अंडे फोडून ओता. आता त्यात निळा, हिरवा किंवा काळ्या रंगाची काही घाण दिसत असेल तर ते अंडे ताबडतोब फेकून द्या.

The post अंडी ताजी आहेत की खराब कसे ओळखाल? अंडी किती दिवस टिकतात? जाणून घ्या… appeared first on थोडक्यात घडामोडी.