नीरजने टोकियो ऑलिम्पिकमध्ये भारतासाठी पहिले सुवर्णपदक जिंकले, भालाफेकमध्ये रचला इतिहास

टोकियो ऑलिम्पिक : भारतासाठी टोकियो ऑलिम्पिकमध्ये पुरुष आणि महिला दोन्ही संघांनी अपेक्षेपेक्षा चांगली कामगिरी केली. आज, ऑलिम्पिकच्या 16 व्या दिवशी भारताच्या सुवर्णपदकाच्या आशा पूर्ण झाल्या. भालाफेकमध्ये नीरज चोप्राने ऐतिहासिक कामगिरी करत टोकियो ऑलिम्पिकमध्ये 87.58 मीटर भाला फेकून देशासाठी पहिले सुवर्ण जिंकले.

नीरज चोप्राने इतिहास रचला
भारताच्या ऑलिम्पिक इतिहासात पहिल्यांदाच एखाद्या ऍथलिटने सुवर्णपदक जिंकले आहे. वैयक्तिक सुवर्ण जिंकणारा नेमबाज अभिनव बिंद्रा नंतर नीरज दुसरा भारतीय ठरला.

शेवटच्या फेरीत नारजने 84.24 मीटर भाला फेकला. चौथ्या फेरीत आणि पाचव्या फेरीत नीरजचा थ्रो व्यर्थ गेला आणि त्याला अवैध घोषित करण्यात आले. यानंतरही, दुसऱ्या फेरीत त्याने फेकलेल्या 87.58 मीटरने त्याला अव्वल ठेवले. नीरजने तिसऱ्या फेरीत 76.79 मीटर भाला फेकला आणि या थ्रोमुळे त्याची थोडी निराशा झाली.

दुसऱ्या थ्रोमध्ये नीरजने पहिल्या प्रयत्नापेक्षाही अधिक चांगला स्कोर केला आणि यावेळी त्याचा भाला 87.58 मीटरपर्यंत गेला. हातातून भाला सोडल्यानंतरच नीरजला कळले की त्याचा थ्रो खूप चांगला आहे आणि त्याने आपले दोन्ही हात हवेत उंच करत ते दर्शवले.

पहिल्या थ्रोमध्ये भारतीय स्टार नीरजने शानदार स्कोअर केला आणि 87.03 मीटरपर्यंत भाला फेकला. त्याने पहिल्या प्रयत्नात अव्वल स्थान पटकावले तर जर्मन खेळाडू नी वेबेल ज्युलियन 85.30 सह दुसऱ्या स्थानावर राहिला. चेक रिपब्लिकच्या जेकबने 83.83 मीटरच्या थ्रोसह तिसरे स्थान पटकावले. भारताला १३ वर्षांनी ऑलिम्पिकमध्ये हे सुवर्णपदक मिळाले आहे, यापूर्वी नेमबाजपटू अभिनंव बिंद्राने भारताला पहिले सुवर्णपददक जिंकवून दिले होते.