IPL 2020 : सनराईजर्स हैदराबादच्या अडचणींमध्ये भर, दुखापतीमुळे भुवनेश्वर कुमारची स्पर्धेतून माघार

IPL 2020 : सनराईजर्स हैदराबाद संघाचा प्रमुख गोलंदाज भुवनेश्वर कुमार यंदा दुखापतीमुळे खेळू शकणार नाहीये. शुक्रवारी चेन्नई सुपरकिंग्जविरुद्ध सामन्यात खेळत असताना भुवनेश्वरला दुखापत झाली होती. ज्यामुळे त्याला १९ वं षटक पूर्ण टाकता आलं नाही.

कर्णधार डेव्हिड वॉर्नरने सांगितले कि भुवनेश्वर कुमार दुखापतीमुळे पुढील सामन्यांमध्ये खेळू शकणार नाहीये. संघाचा प्रमुख गोलंदाज दुखापतीमुळे बाहेर गेल्यामुळे याचा फटका नक्कीच बसणार आहे. परंतू संघ यामधून नक्कीच सावरेल.” चेन्नईविरुद्ध सामन्यात दुखापत झाल्यानंतर मुंबईविरुद्ध सामन्यात भुवनेश्वर खेळू शकला नाही. तो पुढचे काही सामने खेळू शकणार नाही अशी माहिती दिली होती. झालेली दुखापत लक्षात घेता भुवनेश्वरने यंदाच्या स्पर्धेतून माघार घेण्याचा निर्णय घेतला आहे.