भारतीय महिला क्रिकेट संघातील स्टार गोलंदाज मानसी जोशीला कोरोनाची लागण

भारतीय महिला क्रिकेट संघातील स्टार गोलंदाज मानसी जोशीला कोरोनाची लागण झाली आहे. कोविड-19 रिपोर्ट पॉझिटिव्ह आल्यामुळे मानसी आता दुबईत खेळवण्यात येणाऱ्या महिला टी20 चॅलेंजमध्ये सहभागी होणार नाही. 27 वर्षीय मानसी जोशीचा कोरोना अहवाल पॉझिटिव्ह आल्यामुळे ती सध्या देहराडूनमध्ये क्वॉरंटाईन आहे. भारतीय महिला क्रिकेट संघातील इतर खेळाडू 13 ऑक्टोबर रोजी मुंबईमध्ये दाखल झालेले आहेत.

मीडिया रिपोर्टनुसार, मिताली राजच्या नेतृत्त्वात टी20 चॅलेंजमध्ये सहभागी होणाऱ्या संघात मानसीची जागा 26 वर्षीय वेगवान गोलंदाज मेघना सिंह घेणार आहे. मानसीने २०१६ मध्ये भारतीय महिला क्रिकेट संघात पदार्पण केलं होतं. तिने भारतासाठी 11 एकदिवसीय आणि आठ टी-20 सामन्यांसाठी देशाचं प्रतिनिधित्व केलं आहे.