सौरव गांगुलीला कोरोनाची लागण, रुग्णालयात दाखल

बीसीसीआय अध्यक्ष आणि भारताचा माजी कर्णधार सौरव गांगुलीला कोरोनाची लागण झाल्याचे समोर आले आहे. सौरव गांगुलीला कोलकाता येथील वुडलँड रुग्णालयात दाखल करण्यात आले आहे. सौरव गांगुली कोरोना पॉझिटिव्ह असल्याची बातमी समजताच चाहत्यांनी चिंता व्यक्त केली आहे.

कोरोनाच्या ओमिक्रॉन प्रकाराच्या वाढत्या संकटादरम्यान ही बातमी चिंताजनक आहे. याआधी वर्षाच्या सुरुवातीला सौरव गांगुलीला प्रकृती अस्वास्थ्यामुळे रुग्णालयात दाखल करावे लागले होते. जानेवारी 2021 मध्ये सौरव गांगुलीला हृदयविकाराचा झटका आला, त्यानंतर काही दिवस रुग्णालयात दाखल करावे लागले. त्यानंतर सौरव गांगुलीला महिन्याभरात दोनदा अँजिओप्लास्टी करावी लागली. मात्र, त्यानंतर तो बरा झाला आणि सतत काम करत होता.