सुशील कुमार मोदी यांच्या टीकेला काँग्रेस प्रवक्ते सचिन सावंत यांचं जशास तसं उत्तर

शिवसेना-राष्ट्रवादी-काँग्रेसशासित महाराष्ट्रात कोरोनाचा कहर सुरू असून महाराष्ट्र कोरोनाचा हॉटस्पॉट बनलं आहे. तर दुसरीकडे मुंबई पावसाच्या पाण्याने डूबते आहे, अशा शब्दात बिहारचे उपमुख्यमंत्री सुशील कुमार मोदी यांनी महाराष्ट्र सरकारवर टीका केली होती.

काँग्रेस प्रवक्ते सचिन सावंत यांनी ट्विट करत सुशील कुमार मोदी यांच्या टीकेला जशास तसं उत्तर दिलं आहे. सुशील कुमार मोदीजी, जर महाराष्ट्राचे मुख्यमंत्री देवेंद्र फडणवीस असते तर महाराष्ट्रात कोरोना रूग्णांची संख्या बिहार राज्यापेक्षा देखील कमी असती, असा टोला लगावत खोटं बोलण्यात फडणवीस तुमच्या पेक्षाही अधिक पुढे आहेत, अशा शब्दात सचिन सावंत यांनी बिहारच्या उपमुख्यमंत्र्यांना प्रत्युत्तर दिलं आहे.

सुशील कुमार मोदी यांनी मुंबईच्या पावसावरून व तुंबलेल्या पाण्यावरून केलेल्या टीकेला देखील सावंतांनी प्रत्युत्तर दिलं आहे. सावंत म्हणाले, मुंबईच्या पावसाची आपण अजिबात चिंता करू नका. बिहारच्या पुराशिवाय आपण जे राज्याला डुबवलं आहे, येत्या निवडणुकीत जनता आपल्याला नक्कीच डुबवल्याशिवाय राहणार नाही.