mahesh kothe solapur
सोलापूर : शिवसेनेचे विरोधी पक्षनेते महेश कोठेंनी राष्ट्रवादी काँग्रेस प्रवेशाच्या चर्चा या केवळ अफवा असल्याचं स्पष्ट केलं आहे. मी भाजपमध्ये जाणार अशा अफवा पसरवून माझं शिवसेनेचं तिकीट कट करण्याचं षडयंत्र यापूर्वी रचलं गेलं होतं. त्याच पद्धतीचे षडयंत्र आता पुन्हा माझ्याबाबतीत रचले जात आहे, असा खुलासा कोठेंनी केला.
मी शिवसेनेत नाराज जरूर आहे. मात्र, राष्ट्रवादीत प्रवेश करणार नसल्याचं महेश कोठे यांनी स्पष्ट केले. पुतण्या कोरोना पॉझिटिव्ह असल्यामुळे त्याच्यावर खासगी हॉस्पिटलमध्ये उपचार सुरू आहेत. त्यामुळे मी कुटुंबीयांसोबत सध्या होम आयसोलेशन मध्ये आहे. माझ्या राष्ट्रवादी काँग्रेस प्रवेशाबाबत केवळ अफवा असल्याचं महेश कोठे यांनी स्पष्ट केलं आहे.
राष्ट्रवादीचे अध्यक्ष शरद पवार यांना भेटलो नसून माझ्या संदर्भातल्या बातम्या आल्या आहेत, त्यामध्ये कसलेच तथ्य नसल्याचं कोठे यांनी सांगितलं आहे. सध्या क्वारंटाईन असून लवकरच पत्रकार परिषद घेऊन खुलासा करणार असल्याचे कोठे यांनी सांगितले. महेश कोठे हे सध्या शिवसेनेत असून काँग्रेस नेते सुशील कुमार शिंदे यांचे निष्ठावंत असलेले स्वर्गीय विष्णुपंत कोठे यांचे ते चिरंजीव आहेत.
महेश कोठे यांनी 2014 मध्ये काँग्रेसला रामराम करत सोलापुरातील शहर मध्य मतदारसंघात आमदार प्रणिती शिंदे यांच्याविरोधात शिवसेनेकडून निवडणूक लढवली होती. तर 2019 मध्ये शिवसेनेने तिकीट नाकारल्याने शिवसेनेच्या विरोधात बंडखोरी करत शहर मध्य मतदारसंघातून काँग्रेस आमदार प्रणिती शिंदे यांच्याविरोधात निवडणूक लढवली होती.
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…