तोरणमाळ घाटात जीप दरीत कोसळून भीषण अपघात, ६ मजुर ठार

नंदुरबार : नंदुरबार जिल्ह्यातील धडगाव तालुक्यात अतिशय भीषण अपघात झाला आहे. तोरणमाळ घाटातील खडकी रस्त्यावर एक जीप 70 फुट खोल दरीत कोसळली आहे. यात सहा मजुरांचा जागीच मृत्यू झाला आहे. महाराष्ट्र-मध्यप्रदेश राज्यातील सीमावर्ती भागातील खडकी गावातून तोरणमाळ येथे कामाला जात असताना अपघात झाल्याची माहिती मिळाली आहे.

मिळालेल्या माहितीनुसार, मजुर घेऊन जाणारी जीप 70-80 दरीत कोसळल्याने मजुरांचा मृत्यू झाला. घटनास्थळी मदत कार्य सुरू आहे. जखमींना तोरणमाळ ग्रामीण रुग्णालयात उपचारासाठी दाखल करण्यात आले आहे. जीप खोल दरीत कोसळल्याने प्रवाश्यांचा शोध सुरू आहे. अपघात इतका भीषण होता की जीपचे सर्व भाग दरीत इतस्ततः पडलेले आहेत. या घटनेने परिसरात हळहळ व्यक्त केली जात आहे. पोलीस घटनास्थळी दाखल झाले आहेत. स्थानिक ग्रामस्थ घटनास्थळी मदतकार्य करीत आहेत. जखमींना रूग्णालयात नेण्यात येत आहे.