ठाणे

महामार्गावरील वाहतूक कोंडी टाळण्यासाठी तातडीने उपाययोजना करावे, दादाजी भुसे यांनी केली पाहणी

ठाणे : वडपे-ठाणे महामार्गावरील कामांची राज्याचे सार्वजनिक बांधकाम मंत्री (सार्वजनिक उपक्रम) दादाजी भुसे यांनी पाहणी केली. पावसाळ्याच्या काळात या मार्गावर वाहतूक कोंडी होऊ नये, रहदारी सुरळीत राहिल, यासाठी तातडीने उपाय योजना कराव्यात. तसेच प्रवाशांचा प्रवास सुखकर व्हावा, यासाठी सर्व यंत्रणांनी समन्वयाने काम करावे. तसेच जिल्हा व ठाणे शहर वाहतूक पोलीसांच्या मदतीसाठी तातडीने वॉर्डन नेमण्याच्या सूचना त्यांनी यावेळी केल्या.

मुख्यमंत्री एकनाथ शिंदे यांच्या निर्देशानुसार, सार्वजनिक बांधकाम मंत्री भुसे यांनी आज वडपे – ठाणे महामार्गाच्या डांबरी रस्त्याचे आठ पदरी काँक्रिटीकरण करण्याच्या कामांची पाहणी केली. तसेच यावेळी महाराष्ट्र रस्ते विकास महामंडळ (एमएसआरडीए), पोलीस, परिवहन, महामार्ग पोलीस आदी सर्व यंत्रणांची बैठक घेऊन आढावा घेतला. यावेळी पोलीस अधिक्षक विक्रम देशमाने, ठाणे शहर वाहतूक पोलीस उपायुक्त विनयकुमार राठोड, रस्ते विकास महामंडळाचे सह व्यवस्थापकीय संचालक अनिलकुमार गायकवाड, मुख्य अभियंता एस. के. सुरवसे, कार्यकारी अभियंता सुहास बोरसे, उपअभियंता आर.एम. डोंगरे, उपप्रादेशिक परिवहन अधिकारी जयंतकुमार पाटील, यांच्यासह रस्त्याचे कंत्राटदार व विविध यंत्रणांचे अधिकारी उपस्थित होते.

भुसे यांनी वडपे ते खारेगाव नाका या मार्गाची पाहणी केली. वडपे-ठाणे महामार्गावर वाहतूक कोंडी होऊ नये, यासाठी पोलीस विभाग व एमएसआरडीए यांनी एकत्रितपणे नियोजन करावे. ज्या ठिकाणी वाहतूक कोंडी होत आहे, अशा ठिकाणी ट्रॅफिक वॉर्डन नेमून तातडीने वाहतूक कोंडी सोडविण्यात यावेत. यासाठी एमएसआरडीएने पोलीसांना ट्रॅफिक वॉर्डन पुरवावेत. तसेच रस्त्यांवरील खड्ड्यामुळे कोंडी होत असल्यास तेथील खड्डे तातडीने बुजविण्यात यावेत. एखादे वाहन रस्त्यावर बंद पडल्यास तातडीने दूर करून वाहतूक सुरळीत करण्याच्या सूचना भुसे यांनी यावेळी केल्या.

रस्ते विकास महामंडळाच्या वतीने या मार्गावर खड्डे बुजविण्यासाठी मोबाईल व्हॅनसह यंत्रणा कार्यरत केली आहे. तसेच बंद पडलेली वाहने तातडीने दूर करण्यासाठी क्रेनची सुविधा पुरविण्यात आली आहे, अशी माहिती गायकवाड यांनी यावेळी दिली.

Share this :
थोडक्यात घडामोडी टीम

कमीत कमी शब्दांमध्ये बातम्या देणारे, आजच्या घडीला थोडक्यात घडामोडी हे मराठीतलं सर्वात वेगानं वाढणारं न्यूजपोर्टल - थोडक्यात घडामोडी

Recent Posts

बीड हादरलं! 50 वर्षीय नराधमाचा चिमुकलीवर दोन वेळा लैंगिक अत्याचार, पॉक्सो कायद्यांतर्गत गुन्हा दाखल

बीड : बीड जिल्ह्यात एक अत्यंत धक्कादायक आणि संतापजनक घटना समोर आली आहे. परळी तालुक्यातील…

5 दिवस ago

अवकाळीचे संकट! पुढील 4 दिवस वादळी पावसाचा इशारा; शेतकऱ्यांची चिंता वाढली…

मुंबई : देशातील हवामानात पुन्हा एकदा मोठे चढउतार पाहायला मिळत आहेत. हवामान विभागाने दिलेल्या ताज्या…

5 दिवस ago

नाशिकमध्ये खळबळ! २४ दिवसांपासून बेपत्ता असलेल्या परिचारिकेचा मृतदेह विहिरीत सापडला, प्रकरणात धक्कादायक खुलासा

नाशिक : नाशिक जिल्ह्यातील निफाड परिसरात बेपत्ता झालेल्या एका परिचारिकेचा मृतदेह २४ दिवसांनी विहिरीत सापडल्याने…

5 दिवस ago

मुख्यमंत्री देवेंद्र फडणवीस यांनी मेघे कुटुंबियांचे केले सांत्वन

नागपूर : ज्येष्ठ नेते व माजी मंत्री दत्ताभाऊ मेघे यांच्या निधनाचे वृत्त समजताच विदर्भात शोककळा…

5 दिवस ago

पुण्यात सॉफ्टवेअर इंजिनिअर महिलेला ४२.६४ लाखांचा गंडा, मॅट्रिमोनियल फ्रॉडचा धक्कादायक प्रकार

पुणे : वाकड परिसरात २८ वर्षीय सॉफ्टवेअर इंजिनिअर महिलेची लग्नाच्या आमिषाने तब्बल ४२.६४ लाख रुपयांची…

3 आठवडे ago

विलेपार्ले हादरले! बहिणीला पतीच्या मारहाणीतून वाचवण्यासाठी मध्ये पडलेल्या तरुणाची निर्घृण हत्या

मुंबई : २४ वर्षीय सागर गुप्ता या तरुणाचा मृत्यू झाला असून, त्याच्या हत्येप्रकरणी त्याच्या बहिणीचा…

3 आठवडे ago