ठाणे : मलंग किल्ल्याच्या पायथ्याशी आढळला तरुणीचा मृतदेह

ठाणे : ठाणे जिल्ह्यातील अंबरनाथ तालुक्यातील मलंग किल्ल्याच्या पायथ्याशी सुमारे २५ वर्षे वयाच्या एका तरुणीचा मृतदेह आढळला आहे. हिल लाइन पोलिस ठाण्याच्या अधिकाऱ्याने सांगितले की, शुक्रवारी संध्याकाळी 6 वाजण्याच्या सुमारास गळा चिरलेल्या अवस्थेतील एक मृतदेह झुडपात नाल्याजवळ आढळून आला.

दरम्यान, काही वाटसरूंनी हा मृतदेह पाहिला, त्यानंतर त्यांनी तात्काळ पोलिसांना याबाबत माहिती दिली. मृत तरुणीची ओळख अद्याप पटलेली नाही. ती अंदाजे 25 ते 30 वर्षे वयोगटातील असल्याचे पोलीस अधिकाऱ्याने सांगितले. पोलिसांनी खुनाचा गुन्हा दाखल केला असून पुढील तपास सुरू आहे.