कर्जत – नेरळ रोडवर रिक्षा आणि कारचा भीषण अपघात, धडकेनंतर झाला स्फोट

रायगड : कर्जत तालुक्यातील डिकसळमध्ये रिक्षा आणि कारचा भीषण अपघात झाला आहे. कर्जत – नेरळ रोडवर झालेल्या या अपघातात 4 जणांचा मृत्यू झाल्याची माहिती मिळत आहे. यामध्ये 2 महिला, 1 पुरुष आणि एक मुलगा यांचा समावेश आहे.

या अपघातानंतर कर्जत ते नेरळ रोडवरील वाहतूक काही काळ विस्कळीत झाली होती. धडकेनंतर स्फोट झाला आणि दोन्ही वाहने पूर्णतः जळून खाक झाली. यापैकी एक वाहन CNG असल्याने स्फोट होऊन दोन्ही वाहने आगीच्या भक्ष्यस्थानी पडल्याची माहिती मिळत आहे. घटनेची माहिती तात्काळ अग्निशामक दलाला देण्यात आली, त्यानंतर अग्निशामक दलाच्या जवानांनी घटनास्थळी धाव घेत आगीवर नियंत्रण मिळवलं.