दापोलीत दोन बसची समोरासमोर धडक, विद्यार्थ्यांसह 25 प्रवासी जखमी, एक बस चालक गंभीर जखमी

रत्नागिरी : रत्नागिरी जिल्ह्यातील दापोलीत आज (२५ ऑगस्ट) सकाळी दोन एसटी बसचा भीषण अपघात झाला. दोन बसची समोरासमोर धडक होऊन झालेल्या या अपघातात 25 प्रवासी जखमी झाले आहेत. तर एक बस चालक गंभीर जखमी झाला आहे. एका एसटीचे स्टेअरिंग लॉक झाल्याने हा अपघात झाल्याची प्राथमिक माहिती मिळाली आहे.

बोरिवली – दापोली एसटी दापोलीकडे येत असताना दापोलीकडून मुरतपूरकडे जाणाऱ्या बसची मौजे दापोली वळणावर समोरासमोर धडक झाली. दोन्ही गाड्यांची समोरासमोर धडक झाल्यामुळे एका एसटीचा चालक गंभीर जखमी झाला आहे. या अपघातात शाळेत जाण्यासाठी निघालेले विद्यार्थीदेखील जखमी झाले आहेत. या सर्व जखमींना दापोली उपजिल्हा रुग्णालयात दाखल करण्यात आले असून त्यांच्यावर उपचार सुरु आहेत.