एमआयएमईआर वैद्यकीय महाविद्यालय व डॉ. भाऊसाहेब सरदेसाई तळेगाव ग्रामीण रुग्णालय येथे प्रजासत्ताक दिन उत्साहात साजरा

आज २६ जानेवारी २०२१ रोजी आपल्या देशाचा ७२ वा प्रजासत्ताक दिन प्रमुख पाहुणे म्हणून माईर भौतिकोपचार महाविद्यालयाची विद्यार्थिनी डॉ. आयुषी शहा व मान्यवरांच्या हस्ते ध्वजारोहण करून साजरा करण्यात आला. याप्रसंगी संस्थेचे प्राचार्य कर्नल डॉ. राजेंद्रप्रसाद गुप्ता व कार्यकारी संचालक डॉ. सुचित्रा नागरे यांची भाषणे झाली. व्यासपीठावर संस्थेचे वैद्यकीय संचालक डॉ. सुरेश घैसास, कार्यकारी संचालक डॉ. वीरेंद्र घैसास, वैद्यकीय अधीक्षक डॉ. प्रशांत कामत तसेच फिजीओथेरपी महाविद्यालयाच्या प्राचार्य डॉ. स्नेहल घोडे उपस्थित होत्या.

कोविड काळात एमआयएमईआर च्या कर्मचाऱ्यांनी केलेल्या कार्याचे त्यांनी कौतुक केले. एमआयएमईआर महाविद्यालयाचे डॉ. सुदिपकुमार यांनी कोविड काळात केलेल्या उल्लेखनीय कामाबद्दल तहसीलदार मावळ यांच्यातर्फे त्यांचा प्रजासत्ताक दिनी शासकीय कार्यक्रमात प्रशस्तीपत्र देऊन सार्वजनिक गौरव करण्यात आला.

कोविडच्या कठीण काळातही विद्यार्थ्यांनी परिश्रम करून घवघवीत यश मिळवल्याबद्दल अभिनंदन केले. दि. २७ जानेवारीपासून आरोग्य कर्मचाऱ्यांसाठी कोविड-१९ लसीकरण डॉ. भाऊसाहेब सरदेसाई तळेगाव ग्रामीण रुग्णालय येथे सुरु होत असल्याची माहिती कार्यकारी संचालक डॉ. सुचित्रा नागरे यांनी दली.