पुणे : निगडीतील एका लॉजमध्ये चालणाऱ्या सेक्स रॅकेटचा पर्दाफाश

पुणे : पिंपरी चिंचवड पोलिसांच्या गुन्हे शाखेच्या अधिकाऱ्यांनी निगडीतील थरमॅक्स चौकातील एका लॉजमध्ये चालणाऱ्या सेक्स रॅकेटचा पर्दाफाश केला आहे. यात दोन महिला आणि एका एजंटसह तीन आरोपींना अटक करण्यात आली आहे. दरम्यान, आरोपीने वेश्याव्यवसाय करण्यास भाग पाडलेल्या महिलेची पोलिसांनी सुटका केली आहे.

मिळालेल्या माहितीनुसार, निगडीतील एका लॉजमधून कथित सेक्स रॅकेट चालवल्याची माहिती गुन्हे शाखेच्या अधिकाऱ्यांना मिळाली होती. त्यानुसार पोलीस पथकाने सापळा रचून अवधूत चंद्रसेन लवटे (२७) व गुन्ह्यात सहभागी असलेल्या दोन महिलांना ताब्यात घेतले. याप्रकरणी पोलिसांकडून गुन्हा दाखल करण्यात आला असून पुढील तपास सुरू आहे.