पुणे : नोकरी न मिळण्याच्या भीतीने इंजिनिअर तरुणाची आत्महत्या

पुणे : एका तरुण अभियंत्याने सुसगाव येथे नोकरीसाठी जागा न मिळण्याच्या भीतीने आत्महत्या केल्याची घटना घडली आहे. अक्षय अमोल माटेगावकर (21) असे मृताचे नाव असून तो माउंट युनिक सोसायटी, ऑडी शोरूमच्या मागे, सुसगाव येथे राहणारा आहे. आज (15 जुलै) पहाटेच्या सुमारास त्याने सोसायटीच्या आठव्या मजल्यावरून उडी मारली.

माहिती मिळताच हिंजवडी पोलीस घटनास्थळी दाखल झाले. पोलिसांना घटनास्थळी एक सुसाईड नोट सापडली आहे. त्यात नोकरी मिळणार नाही या भीतीने त्यांनी आत्महत्या केल्याचे नमूद केले आहे. मृतदेह शवविच्छेदनासाठी औंध रुग्णालयात पाठवण्यात आला आहे.

अक्षय हा कॉम्प्युटर सायन्सच्या चौथ्या वर्षात शिक्षण घेत होता. अक्षय आई-बाबा आणि बहिणीसह सुसगाव परिसरात राहतो. अक्षय हा कॉम्प्युटर सायन्सच्या चौथ्या वर्षात शिक्षण घेत होता. सिंबायोसिस इन्स्टिट्यूट ऑफ टेक्नॉलॉजीमध्ये तो शिक्षण घेत होता. मात्र अचानक त्याने आत्महत्या केली. त्याच्या आत्महत्येमुळे कुटुंबावर दु:खाचा डोंगर कोसळला आहे. हिंजवडी पोलीस अधिक तपास करीत आहेत. नोकरीचा पर्याय नसल्याने त्याने आत्महत्या केल्याचे पोलिसांनी सांगितले आहे. मी अपयशी ठरलो आहे. तुमच्या इच्छा पूर्ण करू शकलो नाही, असे पत्रात उल्लेख करत अक्षयने आत्महत्या केली. नोकरीच्या भीतीसह आणखी काही कारण आहे का याचा तपास पोलिसांनी सुरू केला आहे.