17 motorcycles seized from bike thief in red light area
पुणे : पुण्यात रेड लाईट भागातील दुचाकी चोरणाऱ्या सराईताकडुन तब्बल 17 मोटारसायकली जप्त करण्यात आल्या आहेत. फरासखाना पोलीस स्टेशनचे वरिष्ठ पोलीस निरीक्षक शब्बीर सय्यद यांनी मोटारसायकल चोरी झालेल्या भागातील सी.सी.टी.व्ही कॅमेरे पाहुन आरोपीचा शोध घेण्याचे आदेश दिले होते.
वरिष्ठ पोलीस निरीक्षकांच्या आदेशानुसार, फरासखाना पोलीस स्टेशनचे अंमलदार पोलीस अंमलदार ना. वैभव स्वामी व पो. ना. प्रविण पासलकर यांनी मोटारसायकल चोरी झालेल्या ठिकाणापासुन ते देहु रोडपर्यंत आठ दिवसात तब्बल 150 ते 200 सी.सी.टी.व्ही कॅमेरे चेक केले. त्यानुसार त्यांनी भक्ती शक्ती चौकापर्यंतचे मोटारसायकल चोराचे सी.सी.टी.व्ही फुटेज प्राप्त करुन माग काढला, परंतु तेथुन पुढे आरोपी कोठे गेला याबाबत माहीती मिळत नव्हती. सदर आरोपी रात्रीच्या वेळी मोटारसायकल चोरी करुन जात असल्याचे पोलिसांच्या लक्षात आले.
तपास पथकाचे पोलीस अंमलदार पो.ना वैभव स्वामी, पो.ना प्रविण पासलकर, पो.शि सुमित खुट्टे बुधवार पेठ भागात पेट्रोलींग करत असताना सी.सी.टी.व्ही फुटेज मधील मोटारसायकल चोरणाऱ्या व्यक्तीप्रमाणे एक संशयीत व्यक्ती दाणे आळी, बुधवार पेठ, पुणे येथे दिसुन आला. त्यांनी तात्काळ सदर व्यक्तीस ताब्यात घेऊन त्याला नाव व पत्ता विचारला. त्याने त्याचे नाव व पत्ता सोहेल युनुस शेख, वय 26 वर्षे, व्यवसाय-मजुरी, रा. पारसी चाळ, देहु रोड रेल्वे स्टेशन जवळ, थापा गॅरेजच्या पाठीमागे, देहु रोड, ता. मावळ, जि. पुणे असे असल्याचे सांगितले. त्याच्याकडे असलेल्या मोटारसायकलबाबत चौकशी केली, त्यावेळी तो उडवाउडवीचे उत्तरे देऊ लागल्याने त्याच्याकडे असलेल्या गाडीबाबत पोलिसांनी अधिक माहीती तपासली. त्यांना सदरच्या मोटारसायकल चोरीबाबत फरासखाना पोलीस स्टेशन पुणे येथे गुन्हा दाखल असल्याचे दिसुन आले.
त्यानंतर, या व्यक्तीला सदर गुन्हामध्ये अटक करुन तपास पथकाचे अधिकारी संतोष शिंदे, सहाय्यक पोलीस निरीक्षक, निलेश मोकाशी, पोलीस उपनिरीक्षक यांनी तपास पथकाच्या सहाय्याने अधिक तपास केला आणि त्याच्याकडुन चोरीच्या 4,40,००० रुपये किंमतीच्या १६ मोटारसायकल जप्त केल्या असुन १७ गुन्हे उघडकीस आले आहेत.
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…