डोंबिवलीतील धक्कादायक घटना, मोठा भाऊ रागावल्यामुळे १८ वर्षीय तरुणीने केली आत्महत्या

ठाणे : १८ वर्षीय तरुणीने मोठा भाऊ रागावल्यामुळे आत्महत्या केल्याची धक्कादायक घटना समोर आली आहे. भावाने बहिणीच्या मोबाईलमधील सिमकार्ड काढून टाकले, आणि ते वारंवार वापरल्यामुळे आणि आई-वडिलांचे ऐकत नाही म्हणून बहिणीला शिवीगाळ केला, त्यामुळे एका १८ वर्षीय तरुणीने आत्महत्या केली. ही घटना गुरुवारी सायंकाळी डोंबिवलीतील शेलार नाका परिसरात घडली.

मुंबईत खळबळ! प्रियकराने नंबर ब्लॉक केला, 20 वर्षीय तरुणीने उचलले टोकाचे पाऊल…
पोलिसांनी सांगितले की, ती तरुणी गेल्या काही महिन्यांपासून रात्रंदिवस फोनला चिकटून राहत होती, त्यामुळे तिचा 22 वर्षांचा भाऊ तिला वारंवार ओरडत असायचा. गुरुवारी, तो तिच्यासोबत जेवत असताना, ती तिच्या फोनच बघत होती आणि त्याच्याशी बोलली देखील नाही. याचदरम्यान तिच्याकडून टेबलावरून पाण्याचा ग्लासही पडला. यामुळे तिचा भाऊ संतप्त झाला. त्याने कामावर जाण्यापूर्वी तिच्या मोबाईलमधील सिमकार्ड काढून टाकले. पोलिसांनी सांगितले की, “भाऊ गुरुवारी संध्याकाळी 5 वाजता घरी परतला तेव्हा त्याला दरवाजा लॉक केलेला आढळला. त्याने अनेकदा दार ठोठावले पण त्याच्या बहिणीने दार उघडले नाही. त्याने एक्झॉस्ट फॅनच्या गॅपमधून आत डोकावले, तेव्हा त्याला ती छताला रॉडला लटकलेली दिसली. त्याने तात्काळ पोलिसांना बोलावून तिला रुग्णालयात नेले. मात्र, तेथे तिला मृत घोषित करण्यात आले.