सुशांत जिवंतपणी जेवढा लोकप्रिय नव्हता तेवढा मरणोत्तर झाला, माजी खासदाराचं वादग्रस्त वक्तव्य

अभिनेता सुशांत सिंह राजपूत मृत्यू प्रकरणात रोज नवनवीन खुलासे होत आहेत. राज नवनवीन वक्तव्य केली जात आहेत. यातच आता राष्ट्रवादी काँग्रेसचे माजी खासदार माजिद मेमन यांनी वादग्रस्त वक्तव्य केलं आहे. “सुशांत जिंवत असताना जेवढा प्रकाशझोतात नव्हता तेवढा तो मरणोत्तर आला आहे,” असं ते म्हणाले.

“सुशांत जिंवत असताना जेवढा लोकप्रिय नव्हता तेवढा तो मरणोत्तर झाला आहे. आजकाल आपल्या देशाचे पंतप्रधान किंवा अमेरिकेचे राष्ट्राध्यक्ष यांच्यापेक्षा अधिक माध्यमांवर त्याची चर्चा आहे,” असं मेमन म्हणाले. “ज्या वेळी कोणत्याही गुन्ह्याचा तपास सुरू असतो त्यावेळी त्याबद्दल माहिती गोपनीय ठेवणं आवश्यक असतं. कोणत्याही प्रकारची माहिती सार्वजनिक केल्यानं न्यायावर त्याचा प्रतिकूल प्रभाव पडू शकतो,” असंही ते म्हणाले.