औरंगाबादमध्ये दोन कारची समोरासमोर धडक, भीषण अपघातात चौघांचा मृत्यू तर पाच जण गंभीर जखमी

औरंगाबाद : औरंगाबाद-अहमदनगर महामार्गावरील कायगावजवळ शुक्रवारी रात्री भीषण अपघात झाला आहे. कायगाव येथे स्विफ्ट आणि वॅगन आर कारची समोरासमोर धडक झाली. या अपघातात चार जणांचा जागीच मृत्यू झाला असून पाच जण गंभीर जखमी झाले आहेत.

मिळालेल्या माहितीनुसार, कायगाव येथे स्विफ्ट आणि वॅगन आरची समोरासमोर धडक झाली. या भीषण अपघातात दोन्ही वाहनांचा अक्षरश: चक्काचूर झाला आहे. या अपघातात चार जणांचा जागीच मृत्यू झाला. अपघाताची माहिती मिळताच स्थानिकांनी मदतीसाठी धाव घेत, पोलिसांना या अपघाताची माहिती देण्यात आली. त्यानंतर अपघातग्रस्त वाहनांतून जखमींना बाहेर काढण्यात आलं. पाच जखमींना उपचारासाठी रुग्णालयात दाखल करण्यात आलं आहे.

मृतांची नावे :

1. रतन शांतीलाल बेडवाल (वय ३८)
2. सुधीर पाटील (५०)
3. रावसाहेब मोठे (५०)
4. भाऊसिंग गिरासे (४५)

जखमींची नावे :

1. शशीकला भाऊराव कोराट (७०)
2. सिद्धार्थ जंगले (१४)
3. हेमंत जंगले (५५), छाया हेमंत जंगले (३५)
4. कुंतला दिगंबरराव जंगले (७०)