बीडमध्ये मराठा आरक्षणाच्या मागणीसाठी आंदोलक आक्रमक, माजलगाव नगरपरिषदेमध्ये जाळपोळ

बीड : मराठा आरक्षणाच्या मागणीसाठी बीड जिल्ह्यातील आंदोलक आक्रमक होताना दिसत आहेत. बीडच्या माजलगाव नगर परिषदेमध्ये जाळपोळ करण्यात आली आहे. आरक्षणाची मागणी करत आलेल्या जमावाने माजलगाव नगर परिषदेमध्ये घुसत जाळपोळ सुरू केली.

नगरपरिषदेच्या इमारतीमध्ये आग लागली आहे. बीड जिल्ह्यात आरक्षणाचा मुद्दा तापला असून, आंदोलन आक्रमक होताना दिसत आहे. काही तासांपूर्वी आमदार प्रकाश सोळुंके यांच्या घरावर दगडफेक करत तेथील वाहने पेटवून देण्यात आली आहेत.