Rekha Jare's murder case
अहमदनगर : यशस्विनी महिला ब्रिगेडच्या अध्यक्षा आणि सामाजिक कार्यकर्त्या रेखा जरे हत्याकांड प्रकरणातील मुख्य सूत्रधार बाळ बोठे सध्या कारागृहात आहे. पण कारागृहातच बाळ बोठे याने असे काही केले आहे की त्याच्याविरोधात आणखी एक गुन्हा दाखल करण्यात येणार आहे. कारागृहात बोठेने मोबाईलचा वापर केल्याचं उघडकीस आल्यानं खळबळ उडाली आहे.
रेखा जरे हत्या प्रकरणातील मुख्य सूत्रधार बाळ बोठे जरे यांच्या हत्येनंतर जवळपास साडेतीन महिने फरार होता. तो वेषांतर करून वेगवेगळ्या शहरांमध्ये फिरत होता. पोलिसांनी अथक प्रयत्नाने त्याला मार्च महिन्यात हैदराबादमधून अटक केली होती. पारनेर कारागृहात काही दिवसांपूर्वी पोलिसांना मोबाईल सापडले होते. त्या प्रकरणी चौकशी केली असता कैदी बाळ बोठेने देखील मोबाईल वापरल्याचे समोर आले आहे.
यशस्विनी महिला ब्रिगेडच्या अध्यक्षा रेखा जरे यांची गाडी अहमदनगर जवळील जातेगावच्या घाटात अडवून धारदार शस्त्राने त्यांची हत्या करण्यात आली होती. 30 नोव्हेंबर रोजी नगर-पुणे महामार्गावर ही घटना घडली होती. यावेळी रेखा जरे यांची आई आणि मुलगा रुणाल गाडीत बसलेले होते. त्यांच्या मुलाने मारेकऱ्यांना पाहिले होते. पोलिसांनी त्याच्या मदतीने पाच आरोपींना ताब्यात घेतले. मात्र या आरोपींनी चौकशीत या हत्याकांडाचा मुख्य सूत्रधार बाळ बोठे असल्याचं सांगितलं होतं. बाळ बोठेने सुपारी देऊन ही हत्या घडवून आणल्याची माहिती आरोपींनी दिली होती.
बीड : बीड जिल्ह्यात एक अत्यंत धक्कादायक आणि संतापजनक घटना समोर आली आहे. परळी तालुक्यातील…
मुंबई : देशातील हवामानात पुन्हा एकदा मोठे चढउतार पाहायला मिळत आहेत. हवामान विभागाने दिलेल्या ताज्या…
नाशिक : नाशिक जिल्ह्यातील निफाड परिसरात बेपत्ता झालेल्या एका परिचारिकेचा मृतदेह २४ दिवसांनी विहिरीत सापडल्याने…
नागपूर : ज्येष्ठ नेते व माजी मंत्री दत्ताभाऊ मेघे यांच्या निधनाचे वृत्त समजताच विदर्भात शोककळा…
पुणे : वाकड परिसरात २८ वर्षीय सॉफ्टवेअर इंजिनिअर महिलेची लग्नाच्या आमिषाने तब्बल ४२.६४ लाख रुपयांची…
मुंबई : २४ वर्षीय सागर गुप्ता या तरुणाचा मृत्यू झाला असून, त्याच्या हत्येप्रकरणी त्याच्या बहिणीचा…