मुलांना शाळेत पाठवताना…! ‘या’ टिप्स वापरून मुलांचं पहिल्यांदाच शाळेत जाणं बनवा सोपं आणि उत्साहपूर्ण

पुणे : महाराष्ट्रात उन्हाळ्याची सुट्टी संपली असून शाळा सुरू होत आहेत. कोरोना काळानंतर दोन वर्षांनी शाळेचं शैक्षणिक वर्ष सुरळीत सुरू होत आहे. अनेक पालक शालेय वर्षाच्या नित्यक्रमात परत येत असताना, काही चिमुकली मुले प्रथमच शाळेत जात आहेत. तुम्ही त्यापैकीच एक असाल, तर तुम्ही तुमच्या लहान मुलासाठी पहिल्यांदाच शाळेत जाणं सोपं आणि उत्साहपूर्ण करू शकता. चला तर त्यासाठी काही सोपे उपाय बघुयात…

मुलांची भीती घालवा 
तुमचे मूल कदाचित शाळेत जाण्याबद्दल थोडेसे चिंतित असेल, खासकरून जर ते पहिल्यांदाच घरापासून दूर जात असेल. तुमच्या मुलाच्या भीती किंवा चिंतांना कधीही कमी लेखू नका. परंतु, उगाचच मुलांना “घाबरण्यासारखे काहीही नाही” किंवा “ही तुमच्यासाठी सर्वात मजेदार गोष्ट असेल”, अशा गोष्टी सांगण्याचा मोह टाळा.

त्याचबरोबर मुले शाळेत जाण्याअगोदर त्यांच्याशी बोला. तो कुठे जाणार आहे, तो काय करत आहे आणि त्याच्याबरोबर वर्गात कोण असेल, हे सर्व त्याला सांगा. तसेच कशाची गरज पडल्यास किंवा काही अडचण आल्यास शिक्षकांची मदत घेण्याविषयी त्याला सांगा.

मुलांना त्यांच्या भावनांबद्दल विचारा
शाळेच्या पहिल्या काही आठवड्यांमध्ये, तुमच्या मुलाशी संवाद साधत राहणे आवश्यक आहे. सर्व गोष्टी सुरळीत चालू असल्याची खात्री करून घ्या. सर्वकाही व्यवस्थित होत नसल्याची चिन्हे जाणवल्यास त्यामध्ये लक्ष घालणे आणि काळजी घेणे आवश्यक आहे.

चार किंवा पाच वर्षांच्या मुलांसाठी ते शाळेत आनंदी आहेत की नाही या प्रश्नाचे उत्तर देणे कठीण आहे. तुम्ही विशिष्ट प्रश्न विचारल्यास तुम्हाला अधिक माहिती मिळेल, जसे की तुम्ही कोणाशी खेळलात? तुमच्या मित्र- मैत्रिणींची नावे का आहेत? तुम्ही दुपारचे जेवण कोणाबरोबर खाल्ले? तुमच्या वर्गात काही खोडकर मुले किंवा मुली आहेत का? शाळेत असं कोणी आहे का जे इतरांना त्रास देतात? असे प्रश्न विचारून तुम्ही परिस्थितीचा अंदाज लावू शकता.

शालेय दिनचर्या आणि झोप :
विशेषतः मुलांची उठण्याची आणि झोपण्याची वेळ निश्चित करून घ्या. आवश्यक तेवढी झोप मिळाल्याने मुले शाळेत प्रसन्न राहतील. अशा प्रकारे, आपल्या मुलांच्या झोपेचे वेळापत्रक भरपूर वेळ देऊन समायोजित केले जाईल. मुलांना महत्वाच्या गोष्टींची सवय हळूहळू लावा. मुलाच्या किंवा मुलीच्या दिनचर्येतील सर्वच गोष्टी एकदम बदलू नका, त्याऐवजी अगोदर फक्त शाळा त्यामध्ये शाळा ऍड करा. ३ ते ५ वयोगटातील मुलांनी प्रत्येक रात्री किमान १०-१३ तासांची झोप घेतली पाहिजे. त्यामुळे, झोपेचे वेळापत्रक सेट करणे महत्त्वाचे आहे.

मुलांना शाळेत पाठवताना –
पहिल्या काही दिवसांमध्ये, मुलांना तयार होण्यासाठी आणि सकाळी बाहेर जाण्यासाठी अतिरिक्त वेळ द्या. त्यानंतर तुमचा सकाळचा प्रवास लहान आणि गोड ठेवा. मुलांना शाळेत सोडल्यानंतर फार काळ तिथे रेंगाळू नका. तसेच तुमच्या मुलाला खात्री द्या की तुम्ही किंवा इतर कोणीतरी त्यांना शाळेतून पुन्हा घरी घेऊन जाण्यासाठी परत येईल.

शिक्षकांची मदत घ्या
तुमच्या मुलाचे शाळेचे पहिले दिवस मुलांपेक्षा तुमच्यासाठी जास्त कठीण असू शकतात. मनात धाकधूक असू शकते. परंतु, शिक्षकांना मुलांच्या पहिल्यांदाच शाळेत जाण्याविषयी पूर्वीचा अनुभव असण्याची शक्यता आहे. त्यामुळे ते तुमच्यासाठी प्रश्नांची उत्तरे देऊ शकतात. आणि त्यांच्याकडे गोष्टी सोप्या करण्यासाठी काही सूचना देखील असू शकतात. त्यामुळे त्यांची मदत घ्या. पालकांनी त्यांच्या स्वतःच्या चिंता त्यांच्या मुलांवर टाकणे टाळायला हवे किंवा मुलांना अस्वस्थ करतील अशा गोष्टी करणे टाळले पाहिजे.