मोबाईल आणि लॅपटॉपच्या वाढत्या वापराचा डोळ्यांवर होतोय वाईट परिणाम, ‘अशी’ घ्या काळजी

कोरोना काळात मुलांसाठी सुरू झालेल्या ऑनलाइन शिक्षणाचा त्यांच्या डोळ्यांवर सर्वात वाईट परिणाम झाला आहे. बराच वेळ स्क्रीनकडे पाहिल्यामुळे डोळे चुरचुरणे, डोळ्यांची जळजळ, लालसरपणा, थकवा येण्याची समस्या उद्भवत आहे. डिजीटल स्क्रीनकडे दीर्घकाळ पाहत राहिल्याने पापण्यांची उघडझाप कमी होते, ज्यामुळे या प्रकारच्या समस्या उद्भवत आहेत. बहुतेक मुलांमध्ये या काळात कोरड्या डोळ्यांची (Dry Eye) समस्या निर्माण झाली आहे.

कोरोना संसर्गाच्या काळात बहुतेक लोक घरून काम करत आहेत. ज्यामुळे सर्व वयोगटातील लोकांमध्ये डोळ्यांच्या समस्या झपाट्याने वाढल्या आहेत.

या गोष्टींची काळजी घ्या:

1. मोबाईलपासून सुमारे 18 इंच अंतर ठेवा.
2. स्क्रीनवर काम करताना डोक्यावर जास्त प्रकाश येणार नाही, याची काळजी घ्या. आपण संरक्षणासाठी अँटी स्क्रीन गार्ड देखील वापरू शकता.
3. 20 मिनिटे काम केल्यानंतर, 20 सेकंदांचा ब्रेक घ्या आणि डिजिटल स्क्रीनपासून 20 इंच अंतर ठेवा.
4. अंधारात मोबाईल आणि स्क्रीनपासून दूर राहा. कारण मोबाईलचा प्रकाश डोळ्यातील पडद्याला नुकसान करतो.
5. स्क्रीनवर काम करत असताना मधून-मधून डोळ्यांच्या पापण्यांची उघडझाप करत राहा. ठराविक वेळेनंतर, आपली नजर स्क्रीनवरून बाजूला घ्या आणि काही अंतरावर पहा.
6. स्क्रीन स्वच्छ ठेवून काम करा आणि रंगांच्या संयोजनाची विशेष काळजी घ्या.

‘या’ पदार्थांचे सेवन ठरेल फायदेशीर :

1. पालेभाज्या खाल्ल्याने व्हिटॅमिन सीचा पुरवठा होतो. पालेभाज्यांमध्ये आढळणारे फोलेट दृष्टी कमी होणे थांबवण्यास हातभार लावते.
2. अक्रोड, काजू, शेंगदाणे खाल्ल्याने ओमेगा -3 आणि व्हिटॅमिन ई मिळते, ज्यामुळे अश्रूंची निर्मिती होते.
3. चिया आणि फ्लॅक्ससीडसह बदाम खाल्ल्याने ओमेगा -3 मिळते. ज्यामुळे दृष्टी वाढण्यास मदत होते.
4. बीन्समध्ये फायबर, प्रथिने, फोलेट आणि जस्त आढळतात, जे डोळ्यांचे नुकसान होण्यापासून संरक्षण देतात.