सलमानच्या हत्येचा कट उधळला, शार्प शूटरला अटक

कुख्यात गँगस्टर लॉरेन्स बिश्नोई हा हरियाणा, पंजाब आणि राजस्थानचा कुख्यात गँगस्टर असून त्यानेच सलमानच्या हत्येचा कट रचला होता, अशी माहिती पोलिसांनी दिली.

आरोपी राहुल उर्फ सांगा हा गँगस्टर लॉरेन्स बिश्नोईच्या गँगचा शार्प शूटर आहे. सलमानच्या हत्येची जबाबदारी राहुलला दिली होती. लॉरेन्सच्या सांगण्यावरून त्याने जानेवारी महिन्यात मुंबईत येऊन सलमानची रेकी केली होती आणि त्यापुढील योजना आखली होती. सलमान घरातून किती वाजता बाहेर पडतो, त्याची दिनचर्या कशी असते याबाबत त्याने माहिती मिळवली होती. लॉरेन्स बिश्नोई सध्या जोधपूरच्या कारागृहात आहे. तर राहुलवर अनेक हत्यांचे आरोप आहेत.

शार्प शूटरअसलेल्या आरोपी राहुलला क्राइम ब्रांचने १५ ऑगस्ट रोजी उत्तराखंडमध्ये अटक केली. अटक केल्यानंतर चौकशीत राहुलने अनेक आरोपांचे खुलासे केले.