अभिनेत्री मलायका अरोराचा अपघात, अपोलो रुग्णालयात दाखल

मुंबई : बॉलिवूड अभिनेत्री मलायका अरोरा हिचा शनिवारी संध्याकाळी अपघात झाला. वृत्तानुसार, महाराष्ट्रातील खोपोली येथे एक्स्प्रेस वेवर अभिनेत्रीच्या कारला अपघात झाला. मलायका किरकोळ जखमी झाली असून तिला तातडीने जवळच्या अपोलो रुग्णालयात नेण्यात आले.

पोलिसांनी दिलेल्या माहितीनुसार, मुंबई-पुणे एक्स्प्रेस वेवर एक अपघात प्रवण क्षेत्र आहे, तिथे हा अपघात झाला. तीन वाहने एकमेकांवर आदळली असून तीनही वाहनांचे नुकसान झाले आहे. सर्वांना किरकोळ दुखापत झाली आहे, असे खोपोली पोलिस स्टेशनचे पोलिस निरीक्षक शिरीष पवार यांनी सांगितले. पोलीस सध्या या प्रकरणाचा तपास करत आहेत, नंतर एफआयआर दाखल केली जाईल.

पोलिसांनी सांगितले कि, आम्हाला तिन्ही कारचे नोंदणी क्रमांक मिळाले आहेत आणि आता प्रत्यक्षात काय झाले हे समजून घेण्यासाठी आम्ही कारच्या मालकांशी संपर्क साधू. अपघात कसा घडला आणि कोणाची चूक होती याचा तपास केल्यानंतर एफआयआर नोंदविली जाईल.