प्रसिद्ध चित्रकार आणि कवी इमरोज यांचे निधन

मुंबई : प्रसिद्ध कवी आणि चित्रकार इमरोज यांचे आज निधन झाले. मुंबईतील राहत्या घरी वयाच्या 97व्या वर्षी त्यांचे निधन झाले. इमरोज यांचे मूळ नाव इंद्रजित सिंह होते. अमृता प्रीतमसोबतच्या नात्यानंतर इमरोज खूप लोकप्रिय झाले. तथापि, दोघांनी कधीही लग्न केले नाही, परंतु 40 वर्षे एकमेकांसोबत राहिले.

इमरोज यांच्या निधनाचे वृत्त कळताच कॅनडातील इक्बाल महल यांनी शोक व्यक्त केला आणि सांगितले की ते त्यांना 1978 पासून वैयक्तिकरीत्या ओळखत आहेत. अमृता त्यांना ‘जीत’ म्हणायच्या, असेही ते म्हणाले.

इमरोज यांचा जन्म 1926 मध्ये लाहोरपासून 100 किलोमीटर अंतरावर असलेल्या गावात झाला. इमरोज यांनी जगजीत सिंग यांच्या ‘बिरहा दा सुलतान’ आणि बीबी नूरनच्या ‘कुली रह विचार’सह अनेक प्रसिद्ध एलपींचे कव्हर डिझाइन केले होते.