व्हिडीओ शेअर करत धनश्री काडगावकरने दिली ‘गुड न्यूज’

छोट्या पडद्यावरील ‘तुझ्यात जीव रंगला’ फेम अभिनेत्री धनश्री काडगावकर सध्या सर्वत्र वहिनीसाहेब याच नावाने ओळखली जाते. त्यामुळे सध्या तिच्या लोकप्रियतेविषयी वेगळं काही सांगायला नको. धनश्रीने चाहत्यांना एका व्हिडीओच्या माध्यमातून तिच्याकडे असलेली गुड न्यूज सांगितली आहे. धनश्री काडगावकर लवकरच आई होणार आहे.

धनश्रीने पती दुर्वेश देशमुख यांच्या वाढदिवसानिमित्त इन्स्टाग्रामवर एक व्हिडीओ शेअर केला होता. या व्हिडीओमध्ये तिने आई होणार असल्याची माहिती दिली. विशेष म्हणजे धनश्रीच्या या व्हिडीओला चाहत्यांनी अक्षरशः डोक्यावर घेतलं आहे. सध्या धनश्रीवर चाहत्यांकडून आणि सेलिब्रिटींकडून कौतुकाचा व शुभेच्छांचा वर्षाव होत आहे.