बॉलीवूड अभिनेता अमित साध याला कोरोनाची लागण

मुंबई : बॉलीवूड अभिनेता अमित साध याला कोरोनाची लागण झाली आहे. अमित याने स्वतःच सोशल मीडियावर याविषयी माहिती दिली आहे. तो सध्या विलगीकरणात असून घरीच उपचार घेत आहे.

अमितने इंस्टाग्रामवर एक पोस्ट लिहून सांगितले की, “सर्व प्रकारची खबरदारी घेतल्यानंतरही तो कोविड-19 पॉझिटिव्ह झाला आहे. त्याला कोरोनाची सौम्य लक्षणे जाणवत आहेत. प्रोटोकॉलचे पालन करून मी स्वतःला विलगीकरणात ठेवले आहे आणि होम क्वारंटाईनमध्ये राहीन. मला खात्री आहे की मी यातून व्यवस्थित बाहेर येईन. कृपया स्वतःची काळजी घ्या आणि आपल्या प्रियजनांची काळजी घ्या.”