पुण्यात 24 जुलैपासून लॉकडाउन नसलं तरीही निर्बंंध मात्र कायम

पुण्यात 24 जुलैपासून लॉकडाउन नसलं तरीही निर्बंंध मात्र कायम ठेवण्यात आले आहेत, असं पुणे महापालिकेचे आयुक्त विक्रम कुमार यांनी स्पष्ट केलं. 

65 वर्षे वयोगटापेक्षा जास्त वय असलेल्या, आजारी व्यक्ती, गरोदर महिला, 10 वर्षांपेक्षा कमी वय असलेली मुलं यांना अत्यावश्यक सेवा आणि आरोग्य विषयक अडचणींशिवाय बाहेर जाता येणार नाही. प्रतिबंधित क्षेत्रात अत्यावश्यक सेवा, किराणा, भाजीपाला विक्री, औषध विक्री रुग्णालय, दूध विक्री, रेशन 9 ते दुपारी 2 या वेळेत सुरु राहणार आहे.या सेवा आणि पुरवठा वगळता अन्य व्यक्तींना प्रतिबंधित क्षेत्रात प्रवेश करण्यास व परिसरातून बाहेर पडण्यास मनाई आहे.

दरम्यान,  मनपाची अत्यावश्यक सेवा देणारी वाहनं म्हणजेच पाण्याचे टँकर, रुग्णवाहिका, शववाहिका, अग्निशमन दलाचे वाहन, कचरा गाडी व त्यावरचे कर्मचारी, अत्यावश्यक सेवा देणारे कर्मचारी, अधिकारी यांना प्रतिबंधित क्षेत्रात कधीही प्रवेश करता येईल.